މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ރިޔާސީ ކެންޑިޑޭޓަކަށް، މި ސަރުކާރުގެ ޑިފެންސް މިނިސްޓަރު މާރިޔާ އަހުމަދު ދީދީ، ރައީސް އިބްރާހީމް މުހައްމަދު ސޯލިހުއަށް ތާއީދު ކުރައްވާކަން ހާމަކުރައްވައިފިއެވެ.
މާރިޔާ ކުރެއްވި ޓްވީޓެއްގައި ވިދާޅުވި ގޮތުގައި 2018 ވަނަ އަހަރުގެ ނޮވެމްބަރުމަހުގެ 17 ވަނަ ދުވަހުން ފެށިގެން، އެކަަމަނާ ރައީސް ސޯލިހުގެ ކެބިނެޓުގައި މަސައްކަތް ކުރައްވަމުން އަންނައިރު، ފާހަގަކުރެއްވުނީ، އެމަނިކުފާނަކީ ވަރަށް ވަރުގަދަ ލީޑަރެއް ކަމެވެ.
މާރިޔާ ރައީސް ސޯލިހު ސިފަ ކުރެއްވީ، އަޑު އައްސަވާ، ކެތްތެރި އަދި ނިންމަންޖެހޭ މުހިންމު ނިންމުންތައް ނިންމަވާ ބޭފުޅެއްގެ ގޮތުގައެވެ.
އަދި 2023 ވަނަ އަހަރުގެ އެމްޑީޕީގެ ރިޔާސީ ކެންޑިޑޭޓަކަށް ރައީސް ސޯލިހަށް ފުރިހަމައަށް ތާއީދު ކުރައްވާ ކަމަށްވެސް ވިދާޅުވިއެވެ.
I have worked with HEP @ibusolih as part of his cabinet from 17 Nov 2018 & found him to be a great team leader, patient, willing to listen with an open mind but decisive when needed. I fully endorse him and support his candidacy in his presidential bid for 2023.
— Mariya Didi 🎈 (@MariyaDidi) June 14, 2022
ނުވަ މަސް ފަހުން ނޫސްވެރިންނާ ބައްދަލުކުރައްވައި ދެއްކެވި ވާހަކަފުޅުގައި ރައީސް ސޯލިހު ވަނީ އަންނަ އަހަރުގެ ރިޔާސީ އިންތިހާބުގައި ވާދަކުރެއްވުމުގެ ޝައުގުވެރިކަން ފާޅުކުރައްވައިފައެވެ.
އެމަނިކުފާނު ރިޔާސީ ރޭހަށް ”ފައިނެންގެވުުމުން“ ކުރީގެ ރައީސް މުހައްމަދު ނަޝީދު ވަނީ ހިތްހަމަނުޖެހުން ފާޅުކުރައްވައި، މި ދަނޑިވަޅަކީ އުއްމީދު އާކޮށް، ވެރިކަމަށް ފައިނަގަންވީ ވަގުތު ނޫން ކަމަށާއި ރާއްޖޭގެ ހާލަތު ރަނގަޅު ކުރަންވީ ވަގުތު ކަމަށް ވިދާޅުވެފައެވެ.
