ރައީސް އިބްރާހީމް މުހައްމަދު ސޯލިހު މިރޭ ހުޅުމާލެ ފޭސްޓޫއަށް ވަޑައިގަންނަވާ ގޮތަށް ހަމަޖެހިއްޖެއެވެ.
އެމަނިކުފާނު މިރޭ ފޭސް ޓޫއަށް ވަޑައިގަންނަވަނީ އެމްޓީސީސީން ހުޅުމާލޭ ފޭސް 2، ލޭންޑް ޓްރާންސްޕޯޓް ސޮލިއުޝަން“ ގެ ރަސްމިއްޔާތުގައި ބައިވެރިވެވަޑައިގަތުމަށެވެ.
މިރޭ 8:30ގައި އޮންނަ މި ރަސްމިއްޔާތާ ގުޅިގެން، ފޭސް ޓޫގައި ހަވާ އެރުވުމަށް ހަމަޖެހިފައިވާ ކަަމަށް އެމްއެންޑީއެފުން ވަނީ ބުނެފައެވެ.
އެމްޓިސީސީން ކުރިއަށްގެންދާ "ހުޅުމާލޭ ފޭސް 2، ލޭންޑް ޓްރާންސްޕޯޓް ސޮލިއުޝަން" ގެ ރަސްމިއްޔާތުގައި މިރޭ (2022 ޖޫން 15) 20:30 ގައި ހުޅުމާލޭ ފޭސް-2 ގައި ހަވާ އެރުވުމަށް ހަމަޖެހިފައިވާ ވާހަކަ މަޢުލޫމާތަށް ޓަކައި ދަންނަވަމެވެ.
— Maldives National Defence Force (@MNDF_Official) June 15, 2022
ހުޅުމާލެ ފޭސް ޓޫ އަކީ ރައީސް ޔާމީން އަބްދުލްގައްޔޫމްގެ ވެރިކަމުގައި އަޅާފައިވާ ހިޔާ ފްލެޓްތައް ހިމެނޭ ސަރަހައްދެވެ. މިއީ އެމަނިކުފާނު އެސަރަހައްދަށް ރަސްމީ ގޮތުން ވަޑައިގަންނަވާ ފުރަތަމަ ފަހަރެވެ.
