މާލެ ސިޓީ ކައުންސިލުގެ މެދު ހެންވޭރު ދާއިރާގެ އިންތިޚާބީ ކައުންސިލަރު، އަޙްމަދު ރިޝްވާން އެމްޑީޕީ ދޫކުރައްވައި، ޕީއެންސީއާ ގުޅިވަޑައިގެންފިއެވެ.
އޭނާ ޕީއެންސީއާ ގުޅިވަޑައިގެން، ފޯމު ޙަވާލު ކުރެއްވީ، ރައީސުލްޖުމްހޫރިއްޔާ އަދި ޕީއެންސީގެ ރައީސް މުޢިއްޒުއާއެވެ.
މާލެ ސިޓީ ކައުންސިލުން ހުސްވެފައިވާ ތިން ގޮނޑިއަށް މެމްބަރުން އިންތިޚާބު ކުރުމަށް މި މަހުގެ 13 ވަނަ ދުވަހު ބޭއްވި ބައި-އިލެކްޝަން ކާމިޔާބު ކުރީ، ސަރުކާރުގެ މައި ޕާޓީ ޕީއެންސީގެ ދެ ކެންޑިޑޭޓުންނާއި އެމްޑީޕީގެ އެއް ކެންޑިޑޭޓެކެވެ.
Male' City Council in husavefaivaa Medhu Henveyru Dhaaira ah MDP ticket gai inthikhaab vevadaigennevi council member Ahmed Rishwan miadhu vanee PNC aa gulhivadaigenfa
Mar'habaa PNC Raees Dr @MMuizzu
Mar'habaa Coucillor Rishwan.#DhiveheengeRaajje pic.twitter.com/TvmLmKo0lV— PNC Secretariat (@pnc_secretariat) January 22, 2024
އެގޮތުން މެދު ހެންވޭރުގެ ގޮނޑި އެމްޑީޕީން ނެގިއިރު، ހެންވޭރު ދެކުނު ދާއިރާގެ ގޮނޑި ޕީއެންސީގެ ކެންޑިޑޭޓް އައިމިނަތު ރިޝްފާ ކާމިޔާބު ކުރެއްވިއެވެ. އަދި މާފަންނު ދެކުނު ދާއިރާގެ ކައުންސިލްގެ ގޮނޑި ކާމިޔާބު ކުރެއްވީ ޕީއެންސީގެ ކެންޑިޑޭޓު ޙަސަން ނިޒާމެވެ.
މާލެ ސިޓީ ކައުންސިލުގެ އިންތިޚާބީ މޭޔަރު އާދަމް އާޒިމާއި، ދާއިރާތަކުގެ އިންތިޚާބީ ކައުންސިލަރުން، މަޤާމުގެ ހުވައި ކުރެއްވުން މިރޭ ދަރުބާރު ގޭގައި އޮންނާނެއެވެ.
