ރާއްޖެއިން އިނގެރޭސީން ބޭލި ގޮތަށް، އިންޑިއާގެ ސިފައިންވެސް އަނބުރާ ފޮނުވާލަން ޖެހޭ ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
އުމަރު މިފަދައިން ވިދާޅުވެފައިވަނީ އިއްޔެ ފާހަގަކުރި މިނިވަން ދުވަހާ ގުޅިގެންނެވެ. އޭނާ ވިދާޅުވީ އިނގިރޭސި ސިފައިން ރާއްޖޭއަށް ފައިބާ ތިބި ތިބުން ކެބިނެޓްގައި އިންނެވި އިބްރާހިމް ނާސިރަށް ސިފަވީ މިނިވަން ކަމަށް އޮތް ގޮންޖެހުމެއް ގޮތުގައި ކަމަށެވެ. ނަމަވެސް އިނގިރޭސިންގެ ހަދިޔާ ލިބެމުންދިޔަ ބޭފުޅުންނަށް އެކަން ސިފަވީ އެހެން ގޮތަކަށް ކަމަށް އުމަރު ވިދާޅުވިއެވެ.
އެގޮތުން މިއަދު އިންޑިޔާ ސިފައިން ރާއްޖެ އަށް ފައިބާ ތިބިތިބުން ސިފަވަނީ މިނިވަން ކަމަށް އޮތް ގޮންޖެހުމެއް ގޮތުގައި ކަމަށާއި އިންޑިއާގެ ހަދިޔާ ލިބޭ ފަރާތްތަކަށް މިކަން ސިފަވާނީ އެހެން ގޮތަކަށް ކަމަށް އުމަރު ވިދާޅުވިއެވެ.
”ރާއްޖޭގެ މިނިވަންކަން ކަށަވަރު ކުރުމަށްޓަކައި އިނގިރޭސިން ބޭލި ގޮތަށް، އިންޑިއާ ސިފައިން އަނބުރާ ފޮނުވާލަންޖެހޭ. މިއީ ކޮންމެހެން ކުރަންޖެހޭ ކަމެއް.“ އުމަރު ވިދާޅުވިއެވެ.
ރާއްޖޭގައ އިންޑިއާ ސިފައިން ތިބި ތިބުމާ ދެކޮޅަށް ސަރުކާރާ އިދިކޮޅު ފަރާތްތަކުން ދަނީ އަޑު އުފުލަމުންނެވެ.
