އިދިކޮޅު އެންމެ ބޮޑު ޕާޓީ އެމްޑީޕީގެ ރައީސްގެ މަޤާމަށް ކުރިމަތިލުމަށް ހުޅުވާލައިފިއެވެ.
އެ ޕާޓީން އިއްޔެ ކުރި އިޢުލާނެއްގައި ބުނީ އެ ޕާޓީގެ ރައީސްގެ މަގާމަށް ކުރިމަތިލުމަށް މިމަހުގެ 20 ވަނަ ދުވަހުގެ ނިޔަލަށް ހުޅުވާލާފައިވާ ކަމަށެވެ.
އަސި ޕާޓީގެ ރައީސްގެ މަޤާމުގެ އިންތިޚާބު 02 މާޗް 2024 ވާ ހޮނިހިރު ދުވަހު ބޭއްވުމަށް ވަނީ ހަމަޖެހިފައި ކަމަށް ވެސް ބުންޏެެވެ.
ޕާޓީގެ ރައީސްގެ މަޤާމަށް ކުރިމަތިލުމަށް ބޭނުންވާ ފޯމު ވެބްސައިޓުން ޑައުންލޯޑު ކުރެވެން ހުންނާނެ ކަމަށް އެމްޑީޕީން ބުންޏެވެ.
ފޯމު ހުށަހަޅާއިރު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ފުރިހަމަކޮށްފައިވާ ކުށާއި ދަރާނީގެ ރިކޯޑު، ހުށަހަޅަންވާނެ ކަމަށް އެމްޑީޕީން ބުންޏެވެ.
އެމްޑީޕީގެ ރައީސްގެ މަޤާމުގައި ހުންނެވި ކުރީގެ ރައީސް މުޙައްމަދު ނަޝީދު، އެ ޕާޓީން ވަކިވެވަޑައިގަތުމުން އެމްޑީޕީގެ ޤައުމީ މަޖިލީހުން ވަނީ ވަގުތީ ގޮތުން ޕާޓީގެ ރައީސް ކަމުގެ މަޤާމަށް ކުރީގެ ރައީސް އިބްރާހީމް މުޙައްމަދު ޞާލިޙު ހަމަޖައްސަވައިފައެވެ.
