މޯލްޑިވްސް ނެޝަނަލް ޕާޓީ (އެމްއެންޕީ)ގެ ރައީސް މުހައްމަދު ނާޒިމާއި ޖުމްހޫރީ ޕާޓީގެ ލީޑަރު ގާސިމް އިބްރާހީމަށް އިދިކޮޅު ލީޑަރު، ރައީސް ޔާމީން އަބްދުލްގައްޔޫމް ވަރަށް ބޮޑަށް ފާޑުވިދާޅުވެއްޖެއެވެ.
ރައީސް ޔާމީން އެ ދެބޭފުޅުންނަށް ފާޑުވިދާޅުވެފައިވަނީ މިއަދު ކުރެއްވި ޓްވީޓެއްގައެވެ. އެގޮތުން ރައީސް ޔާމީން ވިދާޅުވީ ގާސިމާއި ނާޒިމަކީ މަރު ދުވަހާ ޖެހެންދެންވެސް ޣައްދާރުން ކަމަށެވެ.
އެމަނިކުފާނު ވިދާޅުވި ގޮތުގައި ރާއްޖެ މިހާރު މިއޮތް ހާލަތުން އެއްފަރާތްވެ ނާޒިމާއި ގާސިމު ދުރަށް ޖެހިވަޑައިގަންނަވަން އުޅުއްވި ނަމަވެސް އެ ދެ ބޭފުޅުންނަކީ ގައުމަށް ޣައްދާރުވީ މީހުން ކަމަށެވެ.
އަދާލަތު ޕާޓީއަށް ނިސްބަތްވާ ޝައިހުން ވެސް ރައީސް އިބްރާހީމް މުހައްމަދު ސޯލިހްގެ ސަރުކާރުގެ ތެރެއިން ސަލާމަތާއި ރައްކާތެރިކަން ހޯއްދަވާފައިވާ ކަމަށްވެސް ވިދާޅުވިއެވެ.
Eureka! Alas,Adhalath sheikhs have found deliverance in salih lbu’s govt. Nazim,Qasim:ur meek effort to distance urself from the abyss u have thrown de country into, going to redeem ur selves? Traitors until death do u apart
— Abdulla Yameen (@prz_ymn) July 31, 2022
ރައީސް ޔާމީން ގާސިމާއި ނާޒިމަށް ފާޑުވިދާޅުވިއިރު، އެ ދެބޭފުޅުންވެސް ވަނީ 2023 ވަނަ އަހަރުގެ ރިޔާސީ އިންތިހާބުގައި ވާދަކުރެއްވުމަށް ޝައުގުވެރިކަން ފާޅުކުރައްވައިފައެވެ.
