ވެރިކަންކޮށް ފެއިލްވެފައި ތިބި ލީޑަރުން ވެރިކަމަށް ފައިނެގުން ހުއްޓާލަންޖެހޭ ކަމަށް ވިދާޅުވެ، އެމްއެންޕީގެ ރައީސް، އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު މުހައްމަދު ނާޒިމް، އަނެއްކާވެސް އިދިކޮޅު ލީޑަރު ރައީސް ޔާމީނަށް ފާޑުވިދާޅުވެއްޖެއެވެ.
ނާޒިމް ރައީސް ޔާމީނަށް ފާޑުވިދާޅުވެފައިވަނީ އިދިކޮޅު ޕީޕީއެމްގެ ރިޔާސީ ޓިކެޓު އެމަނިކުފާނަށް ދިނުމަށް ރޭ ޕީޕީއެމް-ޕީއެންސީގެ ކައުންސިލުން ނިންމާފައިވާ ދަނޑިވަޅެއްގައެވެ. ރައީސް ޔާމީން ވަނީ އެ ނިންމުން ގަބޫލުފުޅުކުރައްވާފައެވެ.
ނާޒިމް މިއަދު ކުރެއްވި ޓްވީޓެއްގައި ވިދާޅުވީ ވަތަނީ ލީޑަރުން އިސްކުރާނީ އެންމެ ފުރަތަމަ ގައުމު ކަމަށާއި ވެރިކަންކޮށް ފެއިލްވެފައި ތިބި ލީޑަރުން ވެެރިކަމަށް ފައިނެގުން ހުއްޓާލާ އާ ބަޔަކަށް ގައުމުގެ ހައްގުގައި ފުުރުސަތު ދޭންޖެހޭ ކަމަށެވެ.
”ތާ އަބަދަށް ވެރިކަން ކުރުމުގެ ހުވަފެނުން މިންޖުވެ ވެރިކަމުގައި ބަގުޑިބެއްދުން ހުއްޓަން ޖެހޭ.“ ނާޒިމް ވިދާޅުވިއެވެ.
ވަތަނީ ލީޑަރުން އިސްކުރާނީ އެންމެ ފުރަތަމަ ގައުމު. ވެރިކަންކޮށް ފެއިލްވެފައި ތިބި ލީޑަރުން ވެެރިކަމަށް ފައިނެގުން ހުއްޓާލާ އާ ބަޔަކަށް ގައުމުގެ ހައްގުގައި ފުުރުސަތު ދޭން ޖެހޭ. ތާ އަބަދަށް ވެރިކަން ކުރުމުގެ ހުވަފެނުން މިންޖުވެ ވެރިކަމުގަ ބަގުޑިބެއްދުން ހުއްޓަން ޖެހޭ.
— Mohamed Nazim (@nazim7878) August 1, 2022
ރައީސް ޔާމީން ޕީޕީއެމްގެ ރިޔާސީ ޓިކެޓު ގަބޫލުފުޅު ކުރެއްވުމުން، ގިނަ ބަޔަކު ދަނީ މީސްމީޑިއާގައި އެމަނިކުފާނަށް މަރުހަބާ ކިޔަމުންނެެވެ.
ވެރިކަމުގެ ލައްޒަތު ލިބޭތޯ ހުވަފެންދެކެން އަދިނުވޭ، ތިޔަ ކިޔާ ފަރިއްސެއް އެންމެންނަށްވެސް އެބައެނގޭ. ގައުމު މިހާލަތަށް ގެންގޮސް ރައްޔިތުން ބިކަކުރަން ވާގިވެރިވި މީހުންގެ ޙީލަތްތެރި ދަންތުރައިން މިންޖުވާން ރައްޔިތުން ތިބީކީ ތިޔަކަހަލަ ޙީލަތްތެރި ވާހަކަތައް އަޑުއަހާ ގޮތަކަށެއްނޫން. ތިޔަ އެންމެންވެގެން ރައްޔިތުންނަށް ޖެއްސި ޙާލު އާރޯކޮށް އަދި ހަނދާން އެބަހުރި. ތިޔަ އެންމެނަށްވެސް ނޯއޭބުނެ، ނަތީޖާ ނެރެދޭނެކަމުގެ ޔައީންކަން އޮތް ފަރާތަކަށް ރައްޔިތުން މިފަހަރު އާނއެކޭ ބުނާނީ. މާޒީގައި އެމަންޒަރުވަނީ ތަޖުރިބާވެފަ.
މީނަވެސް މީ އަންނި ގޮތަށް ނޫސްތަކުން ޖާގަހޯދަން އުޅޭ މީހެއް