މިފަހަރު މި ކިޔައިދެނީ، މޫނުގެ ހަންގަނޑު އުޖާލާކޮށް، އަދި ޒުވާާންކަންމަތީގައި ބެހެއްޓުމުގެ ގޮތުން، ބޭރުގެ ތަރިންނާއި، މަޝްހޫރު މޮޑެލުން ވެސް ކޮށްއުޅޭ ކަމެކެވެ. މިއީ މޫނު 10 އަހަރު ހަގު ކަމަށް ދައްކައިދޭނެ ކަމެއް ކަމުގައިވެސް ބުނެއުޅެއެވެ.
މި ލިޔުމުގެ ސުރުހީގައި ބުނެފައި އެވާ ގޮތަށް، މޫނު އައިސްފެނަށް ލުމަކީ، ހަންގަނޑު ރޫ ޖެހުމާއި، އުމުރުން ދުވަސްވަމުން ދިޔުމުގެ ސިފަ ޖެހުމުން ދުރުކޮށްދޭ ކަމެކެވެ.
މިގޮތަށް އައިސްފެނަށް މޫނުލާ ބޮލީވުޑްގެ ތަރިންގެ ތެރޭގައި އާލިއާ ބަޓްއާއި، ކެޓްރީނާ ކެއިފް، ދީޕިކާ ޕަދުކޯންއާއި ތަމަންނާ ބާޓިއާ ހިމެނެއެވެ. މޫނު އައިސްފެނަށްލުމަށް ”އައިސް ވޯޓަރ ފޭޝަލް“ ވެސް ކިޔާއުޅެއެވެ.
މީގެ ބޭނުމަކީ އައިސްފެނަށް މޫނު ލައިގެން، މޫނުގެ ސިފަ ރީތި ކުރުމެވެ. މިކަން ކުރާނެ ގޮތަކީ ބޯތައްޓަކަށް ފިނިފެން އަޅައި، އިތުރަށް ފިނި ކުރަން އައިސް ކިއުބް ކޮޅެއް އަޅާނީއެވެ. ފެން ބަހައްޓަން ވާނީ، ފިނިވެގެން ގޮސް ތިބާއަށް އުނދަގޫ ނުވާނެ މިންވަރަށެވެ. އަދި އެ ފެނަށް މޫނުލައިގެން އިރުކޮޅެއްވަންދެން ހުންނާނީއެވެ. އެއީ ފަހަރަކު، 10 ނޫނީ 30 ސިކުންތެވެ. މިގޮތަށް ހަތަރު ފަސް ފަހަރު، އައިސް ފެނަށް މޫނު ލާާންވާނެއެވެ. މިކަން ކުރާއިރު، ބްރެއިން ފްރީޒްވެ ނުވަތަ ބޮލުގައި ރިއްސަން ފަށައިފިނަމަ، އަވަހަށް ހުއްޓާލާށެވެ. އަދި ހަނދާން ބަހައްޓައްޗެވެ. އައިސް ފެނަށް މޫނު ލާާންވާނީ، ރީތިކޮށް މޫނު ދޮވެ ސާފު ކޮށްލައިފައެވެ.
ޫއައިސްފެނަށް މޫނު ލުމުން، މޫނުގެ ހަންގަނޑުގައި އޮށާޅަ ނެގުމުން ވެސް ދުރުކޮށްދެއެވެ. އަދި މިއީ މޫނުގައި ސްކިންކެއާ ޕްރޮޑަކްޓުތައް އުނގުޅުމުގެ ކުރިން، އެތަކެތީގެ އަސަރު ރަނގަޅަށް ކުރާނެ ގޮތް ހެދުމަށް ވެސް ކުރެވިދާނެ ކަމެކެވެ. މީގެއިތުރުން، މިކަމުގެ ސަބަބުން މޫނުގައި ލޭ ދައުރުވުން ރަނގަޅުކޮށްދީ، މޫނަށް އުޖާލާކަން ގެނެސްދޭ ކަމަށް ވެއެވެ.
އައިސްފެނަށް މޫނުލީ ފިރިހެނެއްގެ ވާހަކަ ނެތެއްނުން ތިޔަކު، ތީ އަންހެނުންގެ އެއްޗެއް