ބޭނުންވާ ތަކެތި:

8 ބިސް ( ފެނު ކައްކާފައި، ދިގަށް 4 ފަޅިކޮށްފައި )

Ads by Asuru

1 ބިސް

2 ދަޅު މަސް

1 ފިޔާ ( ކޮށާފައި )

1 މ ސަމުސާ ޓޮމާޓޯ ޕޭސްޓް

2/1 ސ ސަމުސާ އަސޭމިރުސް

2/1 ސ ސަމުސާ ލޮނުމެދު ( ގާނާފައި )

2/1 ސ ސަމުސާ އިނގުރު ( ގާނާފައި )

2 ޖޯޑު ގޮދަންފުށް

ހިކަނދިފަތް، ލޮނު، ގިތެޔޮމިރުސް

ފުށްގަނޑު ތައްޔާރު ކުރާ ގޮތް:

ތައްޓަކަށް ފުށް، ބިސް، ލޮނާއި ތެޔޮ އަޅައިގެން ރޮށި ފިހާގޮތަށް ފުށްގަނޑު މޮޑެލާށެވެ. ގުޅަ ޖަހާލާފައި ދަމާލުމަށް ފަހު،.ބޭނުންވާ ސައިޒަކަށް ހަތަރެސްކަނަށް ކަފާލާފައި ބަހައްޓާށެވެ.

މަސްގަނޑު ތައްޔާރުކުރާނެ ގޮތް:

ތެއްޔަކަށް މަސްދަޅު ތެޔޮއަޅާ ހޫނުވެލުމުން ފިޔާ، ލޮނުމެދު އަދި އިނގުރު އަޅާ ފިޔާގަނޑު މީރުކޮށްލާށެވެ. ދެން ހިކަނދިފަތް، އަސޭމިރުސް، ގިތިޔޮމިރުސް، ޓޮމާޓޯ ޕޭސްޓް އަޅާ ރަނގަޅަށް އެއްކޮށްލުމަށްފަހު، މަސް އަޅާ ރަނގަޅަށް އެއްކޮށްލާފައި 5 މިނިޓް ވަންދެން މަޑުގިނީގައި ކައްކާލާށެވެ. އުނދުން މަތިން ބޭލުމަށްފަހު 10 ވަރަކަށް މިނެޓް ބަހައްޓާލާފައި ކޮންމެ ފުށްކޮޅެއްގެ ތެރެއަށް މަސް އަޅާފައި އޭގެ މަތީގައި ބިސްކޮޅެއް ބާއްވާފައި ފުށްކޮޅު ލައްޕާލާށެވެ.

އޭގެ ފަހުގައި 1 ބިސް ގިރާލާފައި ފުށްކޮޅުމަތީ ހާކާފައި އަވަނުން ފިހެލާށެވެ.