ޢީދާއި ގުޅިގެން ރަށްތަށް ޒީނަތްތެރިކުރުމުގެ މަސައްކަތުގެދަށުން ރާއްޖޭގެ ހުރިހާ ސިޓީތަކާއި އަތޮޅު ކައުންސިލް ޤާއިމުވެފައިވާ ހުރިހާ ރަށްތަށް ޒީނަތްތެރިކުރައްވާނެކަމަށް މިނިސްޓަރ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް، އާދަމް ޝަރީފް ޢުމަރު ވިދާޅުވެއްޖެއެވެ.
މިނިސްޓަރު އެކްސްގައި ކުރެއްވި ޕޯސްޓެއްގައި ވިދާޅުވީ މި އަހަރުގެ ފިތުރު އީދުގައި ރާއްޖޭގެ ހުރިހާ ސިޓީތަކާއި އަތޮޅު ކައުންސިލް އިދާރާ ގާއިމުވެފައިވާ ހުރިހާ ރަށެއް އީދަށް ޒީނަތްތެރިކުރެވޭނެ ކަމަށެވެ. އަދި އިސްލާމީވަންތަކަށް ދައްކައިދޭ ލައިޓްތަކާއި ތަކުބީރުތަކުގެ އަޑު އެ ރަށްތަކަށް ދިރުން ލިބިގެންދާނެ ކަމަށް މިނިސްޓަރު ވިދާޅުވިއެވެ.
އަދި ލައިޓްތައް ހަރުކުރުމުގެ މަސައްކަތް މިހާރު ކުރިއަށްދާ ކަމަށް ވިދާޅުވެ އެ މަސައްކަތްތަކުގެ ފޮޓޯތަކެއް ވެސް މިނިސްޓަރު ވަނީ ހިއްސާކުރައްވާފައެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ އެމަނިކުފާނުގެ ވެރިކަމުގައި ކުލަގަދަކޮށް އީދު ފާހަގަކުރައްވާނެ ކަމަށް ވިދާޅުވެ، 50،100،000 ރުފިޔާ އީދު ފާހަގަކުރުމަށް ބަޖެޓްގައި ހިމަނުއްވާފައެވެ.
ރައީސް މުއިއްޒު މާލެ ސިޓީގެ މޭޔަރުކަމުގައި ހުންނެވިއިރު، މާލޭގެ މަގުތައް އީދާ ދިމާކޮށް ވަރަށް ބޮޑަށް ޒީނަތްތެރި ކުރިއެވެ.
Miaharuge Fithuru Eid gai Raajjeyge hurihaa City thakaai Atoll Council idhaaraa qaaimuvefaivaa hurihaa rasheh Eid ah zeenaiytherikureveyne. Islaamee vanthakan dhakkaidhey light thakaai thakubeeruge adun e rahthakah dhirun libigendhaane! Light thah harukurumuge masakkaiy mihaaru… pic.twitter.com/qcKWnxF9lZ
— Adam Shareef Umar (@Adamshareefz) March 31, 2024
ހިޖުރީ ކަލަންޑަރުގައިވާ ގޮތުން، އީދު ދުވަސް ދިމާވަނީ އަންނަ ހަފްތާގެ ބުދަ ދުވަހާއެވެ.
.