އެމްޑީއޭ އަކީ ވަރަށް ސާފުތާހިރު ބައެއް ކަމަށާއި، ވެރިކަން ހޯދުމަށް އެޕާޓީން ކޯލިޝަނެއް ބޭނުން ނުވާ ކަމަށް އެމްޑީއޭގެ ލީޑަރު، އަހުމަދު ސިޔާމް މުހައްމަދު ވިދާޅުވެއްޖެއެވެ.
އެމްޑީއޭގެ ކޮންގްރެސްއާ ބައްދަލުކުރައްވާ ސިޔާމް ވިދާޅުވީ އެމްޑީއޭއިން ވެރިކަމަށް އަންނަން ކޯލިޝަނެއް ބޭނުން ނުވާ ކަމަށާއި އެ ފަދަ އެއްވެސް ހިޔާލެއް ވެސް ނުގެންގުޅުއްވާ ކަމަށެވެ.
2023 ވަނަ އަހަރުގެ ރިޔާސީ އިންތިހާބުގައި އެމްޑީއޭގެ ފަރާތުން ވާދަކުރެއްވުމަށް ސިޔާމް ނިންމަވާފައިވާއިރު، އޭނާ ވިދާޅުވީ އެމްޑީއޭއަކީ ސާފުތާހިރު ބަޔަކު އުޅޭ ޕާޓީއެއް ކަމަށާއި އެ މީހުންގެ ފަސްބައި ސާފުވާނެ ކަމަށެވެ. އަދި އެ މީހުން ކަން ކޮށްފައި ހުރި ގޮތް ދިވެހިންނަށް އެނގޭނެ ކަމަށް އޭނާ ވިދާޅުވިއެވެ.
އޭނާ ވިދާޅުވީ ދިވެހިންނަށް އެންމެ ގިނަ ފައިސާ ދޭ ބަޔަކީ އެމްޑީއޭ ކަމަށާއި، އަމާޒަކީ މި އަހަރު ނިމުމުގެ ކުރިން އެމްޑީއޭއަށް 50،000 މެންބަރުން ހަމަކުރުން ކަމަށެވެ.
ރާއްޖޭގެ ވެރިކަމުގެ ނިޒާމާ ގުޅިގެން ސުވާލުކުރުމުން ސިޔާމް ވިދާޅުވީ މިހާރު އޮތީ ވެރިކަން ކުރަން ރަނގަޅު ނިޒާމެއް ކަމަށެެވެ. އަދި ޗެކް އެންޑް ބެލެންސްކޮށް ވެރިކަން ކުރެވޭނީ ވެސް ރިޔާސީ ނިޒާމެއް އޮވެގެން ކަމަށް ވިދާޅުވިއެވެ.
ހުސް ދޮގު ތިޕާޓީ އަށް ވެރިކަން ލިބޭވާރަށް ތާއީދު ކުރާ ދިވެހިރާއްޔަތުނެއް ނެތް ތިއުޅެނީ ގަދަދައްކާގެން ޔާމީނު ރަނިންމޭޓުކަން ދޭތޯ!
ސާފުތާހިރުކަން ދެމެހެންޓުމަންޓަކާ ވެރިކަންހޯދަން ނޫޅެ އަޅުކަމާގެންމަސްއޫލުވޭ އޭރުންސާފުކަންމަތީ ދެމިހުރެވޭނި