ކ. ގާފަރު ފަޅުގައި 16 ރަށް ހިއްކުމަށް މޯލްޑިވްސް ފަންޑް މެނޭޖްމަންޓް ކޯޕަރޭޝަން (އެމްއެފްއެމްސީ) އިން އަމިއްލަ ފަރާތަކާއި ހަވާލު ކޮށްފިއެވެ.
Ads by Asuru
މި މަޝްރޫއު ހަވާލުކޮށްފައިވަނީ ރާއްޖޭގެ ކުންފުންޏެއް ކަމަށްވާ އެޓޯލް ވޯކްސް ޕްރައިވެޓް ލިމިޓެޑާއެވެ.
ރަށްތައް ހިއްކައި ރިވެޓްމަންޓް ޖެހުމުގެ މަސައްކަތަށް ޖުމްލަ 36 މިލިއަން އެމެރިކާ ޑޮލަރު ހަރުދަވާނެ ކަމަށް ވަނީ ލަފާކޮށްފައެވެ.
މި އަދަދަކީ ރާއްޖޭގައި މިވަގުތު ހިންގާ ބިން ހިއްކުމުގެ މަޝްރޫއުތަކަށްދާ ހަރަދަށްވުރެ ވަރަށް ބޮޑުތަނުން ކުޑަ އަދަދެކެވެ.
މި މަޝްރޫއަކީ ކ. އަތޮޅުގައި އެއް ފަޅެއްގައި މިހާ ބައިވަރު ރަށްތަކެއް ހިއްކާ އެންމެ ފުރަތަމަ މަޝްރޫއުއެވެ.
މައުލޫމާތު ލިބިފައިވާ ގޮތުގައި މި ބިޔަ މަޝްރޫއުގެ ދަށުން ޖުމްލަ 106.91 ހެކްޓަރުގެ ބިން ހިއްކާނެއެވެ.
