އީރާންގެ އީސްޓް އަޒެރުބައިޖާން ޕްރޮވިންސްގައި ދަތުރުކުރަމުންދިޔަ ހެލިކޮޕްޓަރެއް ވެއްޓި އެ ގައުމުގެ ރައީސް, އިބްރާހިމް ރައީސީ މަރުވުމާ ގުޅިގެން އެމަނިކުފާނުގެ ޖަނާޒާގައި ރައީސް ޑރ. މުހައްމަދު މުއިއްޒުގެ މަންދޫބެއްގެ ގޮތުން ބައިވެރިވެވަޑައިގެންނެވުމަށް މިނިސްޓަރ އޮފް ސިޓީސް ލޯކަލް ގަވަމެންޓް އެންޑް ޕަބްލިކްވޯކްސް، އާދަމް ޝަރީފް އީރާނަށް ފުރާވަޑައިގެންފިއެވެ.
މި ދަތުރުގައި ރައީީސީއަށް އެންމެ ފަހުގެ އިހުތިރާމު އަދާކުރެއްވުމަށާ، އެ ދެ ބޭފުޅުން ފަސްދާނުލުމުގެ ރަސްމިއްޔާތުގައި އާދަމް ޝަރީފް ބައިވެރިވަޑައިގަންނަވާނެއެވެ.
އިއްޔެގެ ވަގުތެއްގައި ރައީސް މުއިއްޒު ވަނީ، އީރާނުގެ އިންތިގާލީ ރައީސް މުހައްމަދު މުހްބަރުއަށް ތައުޒިޔާގެ މެސެޖެއް ވެސް ފޮނުއްވައިފައެވެ.
ރައީސީ ދަތުކުރި ހެލިކޮޕްޓަރު ވެއްޓުނީ އީސްޓް އަޒެރުބައިޖާން ޕްރޮވިންސްގެ ދެ ސިޓީ ކަމަށްވާ ވަރުޒަގާން އާއި ޖޮލްފާ ދެމެދު އޮންނަ ދިޒްމާރު ޖަންގަލި ތެރެއަށެވެ.
