މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ) ގެ ޗެއާޕާސަންގެ މަގާމުން އައިޝަތު ނޫރައިން ޖަނާހު އިސްތިއުފާ ދެއްވައިފިއެވެ.

ނޫރައިން މަގާމުން އިސްތިއުފާ ދެއްވިކަން ކަށަވަރު ވިޔަސް، އިސްތިއުފާދެއްވި ސަބަބެއް ސާފެއް ނޫނެވެ.

އޭނާ އިސްތިއުފާ ދެއްވިއިރު، ދުބާއީގައި އޮތް ވޯލްޑް ޓްރެވަލް އެވޯޑްސް ހަފްލާގެ ހަވާސާގައި މީޑިއާ އަށް އިނގިރޭސި ބަހުން ދެއްވި އިންޓަވިއުއާ އެކުގައި ގިނަ ބައެއްގެ ތައުރީފު ނޫރައިނަށް ލިބިފައެވެ.

ޕްރިންސިޕަލް އެޑްވައިޒާ އޮން ޓްރޭޑް އެންޑް އިންވެސްޓްމަންޓު މުހައްމަދު އަލީ ޖަނާހުގެ ދަރިކަނބަލުން، ނޫރައިން އެމްއެމްޕީއާރުސީގެ ޗެއާޕާސަންގެ މަގާމަށް އައްޔަން ކުރީ ޑިސެމްބަރު 27، 2023 ގައެވެ.