މި ސަރުކާރުން ށ އަކުރުން ދިވެހި ބަސް އުފައްދަން އުޅޭ ކަމަށް ބުނެ، ރަޖިސްޓްރީ ނުކޮށް ހިންގާ ”ފޭކު“ ނޫހަކުން ޚަބަރު ފެތުރުމުން، ކުރީގެ ހެރިޓޭޖު މިނިސްޓަރު ޔުމްނާ މައުމޫން އެކަމަށް ރައްދު ދެއްވައި، ށ އަކުރުން ބަސް ހެދުމާ ދެކޮޅަށް ވަކާލާތު ކުރައްވައިފިއެވެ.
”ދިޔަވަރު“ ނަމަކަށް ކިޔާ ނޫހެއްގައި ފެތުރި ޚަބަރާއި ގުޅިގެން ކުރީގެ މިނިސްޓަރު ޔުމްނާ އެކްސްގައި ޕޯސްޓު ކުރައްވައި ވިދާޅުވީ، ދިވެހި ބަހުގައި ”ށ“ ގެ އަޑު އޮތް ނަމަވެސް ”ށ“ އިން ފެށޭ ބަހެއް ނެތުމަކީ ދިވެހި ބަހުގެ ހާއްސަ ސިފައެއް ކަމަށެވެ.
”ދިވެހި ބަސް މުއްސަނދި ކުރާކަށް ”ށ“ އިން އާ ލަފުޒު ހަދާކަށް ނުޖެހޭ. އޭރުން ގެއްލިގެން އެ ދަނީ ބަހުގެ ހާއްސަ ސިފައެއް.“ ފޭކު ޚަބަރަށް ދެއްވި ރައްދުގައި އޭނާ ވިދާޅުވިއެވެ.
ޔުމްނާ ވިދާޅުވީ ދިވެހި ބަހަކީ މިހާރުވެސް މުއްސަނދި ބަހެއް ކަމަށާއި އެ ބަހުން ރަނގަޅަށް ވާހަކަ ދައްކައި، ލިޔަންކިޔަން ނޭނގެނީ ރަނގަޅަށް ބަސް އުނގަންނައިނުދެވޭތީ ކަމަށެވެ.
ކަމަނާ މޮޔަފުޅުވީތޯ.ވަޅުދިޔަހިއްކާ މިނިސްޓަރު