އިންޑިއާގެ ބޮޑުވަޒީރު ނަރެންދްރަ މޯދީ، ތިން ވަނަ ދައުރަކަށް ބޮޑުވަޒީރުކަމުގެ ހުވާ ކުރެއްވުމުގެ ރަސްމިއްޔާތަށް ވަޑައިގަތުމަށް ރައީސް ޑރ. މުޙައްމަދު މުޢއްޒު އިންޑިއާއަށް ކުރެއްވި ދަތުރުފުޅުގައި ވަރަށް ރަނގަޅު މަޝްވަރާތަކެއް ކުރެވުނު ކަމަށް އެ ޤައުމުގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖައިޝަންކަރު ވިދާޅުވެއްޖެއެވެ.
ރައީސް މުޢިއްޒު ވެސް ވިދާޅުވެފައި ވަނީ، އިންޑިއާ އަށް ކުރެއްވި ދަތުރުފުޅު ރާއްޖެއަށް ވަރަށް ކާމިޔާބު ދަތުރުފުޅަކަށް ވެގެންދިޔަ ކަމަށާއި، އެއީ މި ސަރަހައްދަށް ވެސް ރަނގަޅު ދަތުރުފުޅެއް ކަމުގައެވެ.
އެމަނިކުފާނު އިންޑިއާއަށް ވަޑައިގެންނެވީ އެ ޤައުމުގެ ބޮޑުވަޒީރާއި އިންޑިއާ ސަރުކާރުގެ ކައުންސިލް އޮފް މިނިސްޓާސް ހުވާކުރެއްވުގެ ރަސްމިއްޔާތުގައި ބައިވެރިވެވަޑައިގެންނެވުމަށް އެރުވި ދައުވަތަކަށެވެ.
ރައީސްގެ ދަތުރުފުޅު ނިންމަވައިލައްވައި، ރާއްޖެ ވަޑައިގެންނެވީ މިއަދު ހެނދުނުއެވެ.
