މިދިޔަ ބުރާސްފަތި ދުވަހުގެ ނިޔަލަށް މަސްވެރިން ދޫކުރަން ޖެހޭ ހުރިހާ ފައިސާއެއް މިހާތަނަށް ދޫކޮށްފައިވާ ކަމަށް މިފްކޯއިން ބުނެފިއެވެ.
މިފްކޯއަށް މަސްވެރިން ކިރުވާ މަހަށް އެންމެ ލަސްވެގެން ދެ ހަފްތާގެ ތެރޭގައި ފައިސާ ދޫކުރުމަށް ސަރުކާރުން މިހާރު ވަނީ ނިންމާފައެވެ.
އެގޮތުން މިދިޔަ ބުރާސްފަތި ދުވަހުގެ ނިޔަލަށް މަސްވެރިން ކިރާފައިވާ 136 މެޓްރިކް ޓަނުގެ މަހަށްވާ ދެ މިލިއަން ސަތޭކަ ސާޅީސް ހަހާސް ތިންސަތޭކަ އެއް ރުފިޔާވަނީ މަސްވެރިންނަށް ދޫކޮށްފައެވެ. މިއީ ޖުލައި 13 އިން 25 އަށް މަސްވެރިން ބޭނި މަހަށްވާ ފައިސާ ކަމަށް މިފްކޯއިން މައުލޫމާތު ދެއެވެ.
މިސަރުކާރުންވަނީ މަސްވެރިންނަށް މިހާތަނަށް ބިލިއަނަކަށް ވުރެ ގިނަ ރުފިޔާ ދޫކޮށްފައެވެ.
ސަރުކާރާއި ފިޝަރީޒް މިނިސްޓްރީގެ އެހީތެރިކަމާއެކު މަސްވެރިން ބާނާ މަހަށް މިހާރު 2 ހަފްތާ ތެރޭގައި ފައިސާ ދޫކުރެވޭ ކަމަށް މިފްކޯއިން ބުނެއެވެ.
އަދި މި މަސައްކަތް ކުރިއަށް ގެންދިއުމަށް ފިޝަރީޒް މިނިސްޓްރީން ހާއްސަ އަހަމިއްޔަތުކަމެއް ދެއްވާކަން ފާހަގަކޮށް އެކުންފުނިން ވަނީ ޝުކުރު އަދާކޮށްފައެވެ.
