އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދުގެ އިލްމީ ފެންވަރާއި ހުނަރުވެރިކަމަކީ އެކަމާ މެދު ސުވާލު އުފެއްދުމުގެ ޖާގައޮތް ކަމެއް ނޫން ކަމަށް ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
އިޔާޒު މިހެން ވިދާޅުވީ، އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދުގެ ޕީއެޗްޑީއަކީ ފޭކެއް ކަމަށް ބުނެ، ބަޔަކު ފަތުރަމުންދާ ވާހަކަ ދޮގު ކުރައްވައި، އެކްސްގައި ކުރެއްވި ޕޯސްޓެއްގައެވެ.
މީގެ 10 އަހަރު ކުރިން، މެލޭޝިޔާގެ އިސްލާމިކް ޔުނިވާސިޓީން މިނިސްޓަރު ޝަހީމް ދަސްވެނިވެފައި ވަނީ، އަދި އޭނާ ހުށަހެޅުއްވި ތީސިސް ފާސްވެފައި ވަނީ ކުދި އިސްލާހު ތަކާ އެކު ކަމަށާއި އެއީ މަދު ކެނޑިޑޭޓެއް ފިޔަވާ ހުރިހާ ބޭފުޅުންނަށް ވެސް ލިބޭނެ އެންމެ މަތީ މާރކްސް ކަމަށް އިޔާޒު ވިދާޅުވެފައިވެއެވެ.
”ވީމާ ޝަހީމްގެ ޕީއެޗްޑީ ވައިވާ އިން ފާސް ނުވާ ކަމަށާއި ގެންގުޅުއްވަނީ ފޭކް ސެޓްފިކެޓެއް ކަމަށް ދެކެވޭ ވާހަކައަކީ ހަގީގަތާ ހިލާފު ދޮގު ވާހަކައެއް. 2013 ވަނަ އަހަރު އަޅުގަނޑާއި ޑރ ޝަހީމްގެ އަދި ޑރ މުނީޒާ ދަސްވެ ނިމުނީ އެކީގައި،“އިޔާޒު ވިދާޅުވެފައިވެއެވެ.
ޝަހީމްގެ ދިފާއުގައި ދީނީ އިލްމުވެރިޔާ ޝެއިހް އިލްޔާސް ހުސައިން ވެސް ވަނީ ވާހަކަ ދައްކަވައިފައެވެ.
