އަހަރަކު ދެ ފަހަރު ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ ބައި-އިލެކްޝަން ބާއްވަން ޖެހޭ ގޮތަށް، ގާނޫނު އިސްލާހުކޮށްފިއެވެ.
ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށާއި ލޯކަލް ކައުންސިލް އިންތިހާބުގެ ގާނޫނަށް ސަރުކާރުގެ ފަރާތުން ހުށަހެޅި އިސްލާހު ފާސްވީ އެކަމަށްޓަކައި ނެގި ވޯޓުގައި ބައިވެރިވި 74 މެންބަރުންގެ ތެރެއިން 67 މެންބަރުންގެ ވޯޓާ އެކުއެވެ.
އިސްލާހު ފާސްކުރުމާ ދެކޮޅަށް ހަތް މެންބަރަކު ވޯޓު ދެއްވިއެވެ.
އެހެންކަމުން ދެން ބައި-އިލެކްޝަން ބާއްވަން ޖެހޭނީ 183 ދުވަހުގެ މުއްދަތެއްގެ ތެރޭގައެވެ.
އެހެންނަމަވެސް ރައީސް އާއި މޭޔަރާއި ނައިބު ރައީސް އާއި ޑެޕިއުޓީ މޭޔަރުގެ މަގާމު އެއްފަހަރާ ހުސްވެފައިވާ ނަމަ ހަތް ދުވަހުގެ ތެރޭގައި އިންތިހާބެއް ބާއްވަން ޖެހޭނެ ކަމަށް ވެސް މިއަދު ފާސްކުރި އިސްލާހުގައިވެއެވެ.
