އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމަނިއަމް ޖައިޝަންކަރު ރަސްމީ ދަތުރެއްގައި މާދަމާ ރާއްޖެ ވަޑައިގަންނަވާ ގޮތަށް ހަމަޖެހިއްޖެއެވެ.
Ads by Asuru
މި ދަތުރަކީ މި މަހުގެ 9 ވަނަ ދުވަހުން ފެށިގެން 11 ވަނަ ދުވަހަށް ކުރައްވަވާ ދަތުރެކެވެ.
ޖައިޝަންކަރުގެ މި ދަތުރުގައި، ރައީސް ޑރ.މުހައްމަދު މުއިއްޒު އާއި ފޮރިން މިނިސްޓަރު މޫސާ ޒަމީރާ ބައްދަލު ކުރައްވަވާނެއެވެ.
މައުލޫމާތު ލިބިފައިވާ ގޮތުގައި، ޖައިޝަންކަރުގެ މި ދަތުރުގައި އިންޑިއާގެ އެހީގައި ރާއްޖޭގައި ކުރިއަށްދާ ބައެއް މަޝްރޫއުތައް ބައްލަވާލައްވާނެއެވެ.
ޖަޔަޝަންކަރު ވަނީ 2023 ވަނަ އަހަރުގެ ޖެނުއަރީ މަހު ވެސް ރާއްޖެ ވަޑައިގެންފައެވެ.
