ޔަހޫދީން އެއްވެސް ރަހުމެއް ނެތި، ފަލަސްތީނުގެ ރައްޔިތުން ގަތުލު ކުރަމުންދާއިރު، އަރަބިން ތިބީ ކުޅި ބަލަން ކަމަށް ވިދާޅުވެ، ކުރީގެ ރައީސް މައުމޫން އަބްދުލްގައްޔޫމް އަރަބި ގައުމުތަކަށް ވަރަށް ބޮޑަށް ފާޑު ވިދާޅުވެއްޖެއެވެ.
ރައީސް މައުމޫން އެކްސް ގައި ކުރެއްވި ޕޯސްޓެއްގައި ވިދާޅުވީ އިޒްރޭލުން ފަލަސްތީނުގައި ލާއިންސާނީ އަމަލުތައް ހިންގައި މައުސޫމް ކުޑަކުދިންނާއި ރައްޔިތުން ގަތުލުކުރަމުންދާ އިރު، އަރަބި ލީޑަރުން އެއްވެސް ކަމެއް ނުކޮށް ކުޅި ބަލަން ތިބި ކަމަށެވެ.
އެމަނިކުފާނު ވިދާޅުވީ ކޮންމެ ދުވަހަކު އެތައް ސަތޭކަ ކުށެއް ނެތް ޣައްޒާގެ އާންމުން ރަހުމެއް ނެތި ޝަހީދުކުރަމުންދާ ކަމަށާއި، އަރަބި ލީޑަރުން އެކަމާއި ދެކޮޅަށް އެއްވެސް ކަމެއް ނުކުރައްވައި ތިއްބެވުމަކީ، ހިތާމައިގެ ކޮޅެއްވެސް ނެތް ކަމެއް ކަމަށެވެ.
މިދިޔަ އަހަރުގެ އޮކްޓޯބަރު މަހުގެ ހަތް ވަނަ ދުވަހު އިޒްރޭލާ ހަމާސްއާ ދެމެދު ފެށިގެންދިޔަ ހަނގުރާމައިގައި މިހާތަނަށް ފަލަސްތީނުގެ 40،000 ރައްޔިތުން ވަނީ ޝަހީދުކޮށްލައިފައެވެ.
