މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމަށް މިއަހަރު ކުރިމަތިލުމަށް އެދޭ ފަރާތްތަކަށް މައުލޫމާތު ދިނުމަށް ބާއްވާ ބައްދަލުވުން ފަސްކޮށްފިއެވެ.
މިކަމާ ގުޅޭގޮތުން ރައީސް އޮފީހުން ބުނީ، މި ބައްދަލުކުރުން އޮންނާނީ މިމަހުގެ ފަހެއްވާ ހޯމަ ދުވަހުގައި ކަމަށެވެ. ކުރިން މި ބައްދަލުވުން ބާއްވާ ގޮތަށް ހަމަޖެހިފައި އޮތީ މިއަދުއެވެ.
ރަައީސް އޮފީހުން ބުނީ، މައުލޫމާތު ދިނުމުގެ ބައްދަލުވުން އޮންނާނީ، މިމަހުގެ ފަސް ވަނަ ދުވަހުގެ މެންދުރުފަހު 2:00ގައި އެ އޮފީހުގައި ކަމަށެވެ. މި ބައްދަލުވުމުގައި، އޮންލައިންކޮށްވެސް ބައިވެރިވުމުގެ ފުރުސަތުވަނީ ހުޅުވާލާފައެވެ.
ބައްދަލުވުމުގައި ބައިވެރިވެވާން ބޭނުންވާ ފަރާތްތަކުން ނަން ނޯޓު ކުރުމަށް ފުރިހަމަ ނަމާއި، ދާއިމީ އެޑްރެހާއި، ދިވެހި ރައްޔިތެއްކަން އަންގައިދޭ ކާޑުގެ ނަންބަރު ޖެހުމަށްފަހު، 7960844 ނަންބަރު ފޯނަށް މެސެޖް ކުރުމަށް ރައީސް އޮފީހުން އެދެއެވެ.
މަތީ ދަރަޖަ ހޯދާ ފަރާތްތަކަށް ރައީސް ދެއްވާ ހާއްސަ އިނާމަށް އެދި މިއަހަރު ނަން ހުށަހެޅުމަށް ހަމަޖެހިފައިވަނީ، ހަމައެކަނި ރައީސް އޮފީހުގެ ”ފޯމު ހުށަހެޅުން“ ޕޯޓަލް މެދުވެރިކޮށެވެ.
ފޯމު ހުށަހެޅުމުގެ މުއްދަތު ހަމަވާނީ އަންނަ ސެޕްޓެމްބަރު މަހުގެ 22 ވާ ބުރާސްފަތި ދުވަހުގެ މެންދުރުފަހު 3:00 އަށެވެ.
