މިދިޔަ ބުދަ ދުވަހުގެ ރޭ މާލޭގައި ސައިކަލަކާއި ކާރެއް ޖެހި ހިނގި އެކްސިޑެންޓުގައި އަނިޔާވި ޒުވާނާ މަރުވެއްޖެއެވެ.

އެ އެކްސިޑެންޓުގައި ލީވާނަށް ބޮޑެތި އަނިޔާތަކެއް ލިބުމުން އޭނާއަށް ފަރުވާދެމުން ދިޔައީ އައިޖީއެމްއެޗުގެ އެމަޖެންސީގައި ވެންޓިލޭޓަރުގެ އެހީގައެވެ.

ބައެއް މަސްދަރުތަކުން ބުނީ ލީވާން ނިޔާވީ ރޭ 2:10 ހާއިރު ކަމަށެވެ.

އެކްސިޑެންޓުގައި ލީވާން ނިޔާވިއިރު ހުކުރު ދުވަހު ހުޅުމާލޭގައި ކާރަކާއި ސައިކަލެއް ޖެހި ހިނގި އެކްސިޑެންޓެއްގައި ވެސް ވަނީ ޒުވާނަކު ނިޔާވެފައެވެ.

އެ އެކްސިޑެންޓުގައި ނިޔާވެފައި ވަނީ އުމުރުން 23 އަހަރުގެ ޒުވާނެކެވެ.