މިހާރު ކުރަމުންދާ ވިއްސާރައިގެ ސަބަބުން ކްރިމިނަލް ކޯޓުގެ ޝަރީއަތުގެ މާލަމަށް ފެން ފައިބާތީ، ޕީޕީއެމްގެ ރިޔާސީ ކެންޑިޑޭޓް، ރައީސް ޔާމީންގެ މައްޗަށް ވ. އާރަށު މައްސަލައިގައި އުފުލާފައިވާ ދައުވާތަކުގެ މިއަދުގެ އަޑުއެހުން ކެންސަލްކޮށްފިއެވެ.

Ads by Asuru

މިއަދުގެ އަޑުއެހުން ތާވަލު ކޮށްފައި އޮތީ، މިއަދު 9:30 އަށެވެ. މި މައްސަލައިގައި މިހާރު ކުރިއަށް ދަނީ ހެކިބަސް ނެގުމުގެ މަރުހަލާއެވެ.

ކްރިމިނަލް ކޯޓުން މިއަދު ބުނީ ޝަރީއަތުގެ މާލަމަށް ފެނުގެ އަސަރުކޮށް އެތަނުން މިހާރުވެސްފެންފައިބަމުން އަންނަ ކަމަށެވެ. އެހެންކަމުން މިއަދުގެ އަޑުއެހުން އެހެން ދުވަހަކަށް ތާވަލުކޮށްފައިވާ ކަމަށެވެ.

ކޯޓުން އިތުރަށް ބުނެފައިވަނީ މި މައްސަލައިގެ އިތުރު އަޑުއެހުމެއް މިމަހުގެ ހަވަނަ ދުވަހާއި ހަތްވަނަ ދުވަހަށް ތާވަލުކޮށްފައިވާނެ ކަމަށެވެ.