މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އަށް ސީީއީއޯއެއް ހޯދުމަށް އަނެއްކާވެސް ޕްރައިވަޓައިޒޭޝަން އެންޑް ކޯޕަރައިޓައިޒޭޝަން (ޕީސީބީ) އިން އިއުލާނުކޮށްފިއެވެ.

ޕީސީބީން މިއަދު ކުރި އިއުލާނުގައި ބުނީ ސީއީއޯ/އެމްޑީގެ މަގާމަށް ބޭނުން ވަނީ މަސްވެރިކަމުގެ ދާއިރާގެ ހުނަރުވެރި އަދި މަސައްކަތަށް ފަރުވާތެރި މީހަކު ކަމަށެވެ.

މަގާމަށް މީހަކު ހޮވުމުގައި ގާބިލުކަމާއި ތަޖުރިބާއަށް ބަލާނެކަންކަން ވެސް ފާހަގަކުރިއެވެ.

މިފްކޯގެ ސީއީއޯގެ މަގާމަށް ޝައުގުވެރިވާ ފަރާތްތަކުން ފާހަގަކޮށްފައިވާ ލިޔެކިޔުންތައް އަންނަ މަހުގެ 08 ވަނަ ދުވަހުގެ މެންދުރުފަހު 2:00 ގެ ކުރިން ހުށަހެޅުމަށް ވަނީ އެދިފައެވެ.

މިފްކޯގެ ސީއީއޯގެ މަގާމުގައި އެންމެފަހުން ހުންނެވީ އަހްމަދު ސަމާހު ރަޝީދެވެ.