ކުރީ ސަރުކާރުން އިތުރަށް ޗާޕުކޮށްފައިވާ ފައިިސާ މާކެޓުން ނެގުމަށް ނިންމާފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފިއެެވެ.
އެމްއެމްއޭގެ ގަވަރުނަރު އަހުމަދު މުނައްވަރު ވިދާޅުވީ، ބޭންކިން ނިޒާމަށް އިތުރުވެފައިވާ ދިވެހިރުފިޔާ މަދުކުރުމަށް އޯޕަން މާކެޓް އޮޕަރޭޝަނެއް މި އަހަރުގެ ނޮވެމްބަރު މަހުގެ ތެރޭގައު ފެށުމަށް ނިންމަވާފައިވާ ކަމަށެވެ.
އެމްއެމްއޭ އިން ބޭއްވި ޕްރެސް ކޮންފަރެންސްއެއްގައި މުނައްވަރު ވިދާޅުވީ، ފައިސާ އިތުރަށް ޗާޕްކުރުމުގެ ސަބަބުން އިގްތިސާދުގެ ތެރޭގައި ދައުރުވާންޖެހޭ ފައިސާގެ އިތުރަށް ފައިސާ ހުރުމުން އެ ފައިސާތައް ނެގުމަށް އެމްއެމްއޭގެ ބޯޑުންވެސް ރުހުން ދީފައިވާ ކަމަށެވެ.މި ނިންމެވުމާއި އެކު ސަރުކާރަށް ދަތިތަކެއް ހުންނާނެކަން ފާހަގަކުރައްވާ ގަވަރުނަރު ވިދާޅުވީ މާކެޓް އޮޕަރޭޝަނުގެ ސަބަބުން ކޭޝްފޮލޯ ހަމަޖެއްސުމަށް ދަތިތަކަކާއި ކުރިމަތިވެދާނެ ކަމަށެވެ.
އެމްޑީޕީގެ ސަރުކާރުން 08 ބިލިއަނަށް ވުރެން ގިނަ ފައިސާ އިތުރަށް ޗާޕްކޮށްފައިވާ ކަމަށް ސަރުކާރުން ވަނީ ބުނެފައެވެ.
އިތުރަށް ޗާޕު ކުރި ފައިސާ މަދު ކުރުމުގެ އޮޕަރޭޝަން ފަށާނީ މި އަހަރުގެ ނޮވެމްބަރުމަހުގެ ތެރޭގައެވެ.
