މާލޭގެ ދެކުނު ފަރާތު ފަޅުތެރޭގައި އަޅާފައިވާ އުޅަނދު ފަހަރުން ވައްކަން ކުރާ މައްސަލަ ހައްލު ކުރުމަށްޓަކައި، މާލެ ސިޓީ ކައުންސިލުން އެ ސަރަހައްދުގައި ސީސީޓީީވީ ކެމެރާ ހަރުކޮށް، 24 ގަޑިއިރު މޮނިޓަރ ކުރަން ފަށައިފިއެވެ.

Ads by Asuru

އެގޮތުން ސީސީޓީވީ ކެމެރާ ހަރުކޮށްފައިވަނީ މެރީ ބްރައުން ކުރިމަތިން ފެށިގެން، ސްޓެލްކޯ ޕަންޕް ސްޓޭޝަނާ ހަމައަށެވެ.

މާލޭގެ މޭޔަރު ޑރ.މުހައްމަދު މުއިއްޒު މިރޭ ވިދާޅުވީ މާލޭގެ ދެކުނު ފަރާތު ފަޅު ތެރޭގައި އަޅާފައި ހުންނަ އުޅަނދުތަކުން ވައްކަން ކުރާ މައްސަަލަ އަކީ ވަަރަށް ބޮޑުވެފައިވާ މައްސަލައެއް ކަމަށެވެ.

”މިކަމަކީ ސިޓީ ކައުންސިލުން ފަށާފައިވާ، މާލެ ސިޓީ ސީސީޓީވީ ޕްރޮގްރާމްގެ ދެވަނަ ފިޔަވަހި. ފުރަތަމަ ފިޔަވަހި ވަނީ ކުރިން ނިންމާ، އޮޕަރޭޝަނަށް ގެނެސްފަ. އެއީ މާލެއާއި ވިލިމާލޭގެ ހުރިހާ މިސްކިތްތަކެއް 24 ގަޑިއިރު ބެލެހެއްޓުމުގެ މަސައްކަތް.“ މޭޔަރު ވިދާޅުވިއެވެ.

ސީސީޓީވީ ކެމެރާ ހަރު ކުރުމުގެ ތިންވަަނަ ފިޔަވަހީގައި އޮތީ، މާލޭގެ އުތުރު ފަރާތު ފަޅުތެރެ ހިމެނޭ ސަރަހައްދުގައި ކެމެރާ ހަރުކުރުމެވެ.