މަރަކީ އަހަރުމެން ބޭނުން އިރަކު، އަހަރުމެންނާ ބައްދަލު ކުރާ އެއްޗެއް ނޫން ކަަމަށް ވިދާޅުވެ، މަރަށް ތައްޔާރުވުމަށް ސަލަފު ޖަމުއިއްޔާގެ ޗީފް މާކެޓިން އޮފިސަރ އަލީ ރަމީޒު ނަސޭހަތްތެރި ވެވަޑައިގެންފިއެވެ.
ފަހަކަށް އައިސް ރާއްޖޭގައި ކުއްލި މަރުތައް ވަނީ އިތުރުވާން ފަށާފައެވެ. އިއްޔެވެސް ކުއްލި ގޮތަކަށް ޒުވާނަކު ނިޔާވިއެވެ. އިއްޔެ ނިޔާވެފައިވަނީ ޕީޕީއެމްގެ ޒުވާން އެކްޓިވިސްޓެކެވެ.
އަލީ ރަމީޒު ކުރެއްވި ޓްވީޓެއްގައި ވިދާޅުވެފައިވަނީ ޒުވާން އުމުރުގައި ކުއްލިއަކަށް މަރުވެގެން ދިޔުމަކީ އެންމެންނަށްވެސް ހައިރާންކަން ގެނުވާނެ ކަމެއް ކަމަށެވެ.
”ނަމަވެސް، ޒުވާނުންނޭވެ! މަރަކީ އަހަރުމެން ބޭނުންވާ އިރަކު، އަހަރުމެންނާ ބައްދަލު ކުރާ އެއްޗެއް ނޫނެވެ.“ އަލީ ރަމީޒު ވިދާޅުވިއެވެ.
އޭނާ އިތުރަށް ވިދާޅުވެފައިވަނީ، ބުއްދިވެރިއަކީ، ހެޔޮ ގޮތުގައި އެމީހެއްގެ ހަޔާތް ވޭތު ކުރާ މީހާ ކަަމަށެވެ.
