ވެރިރަށް މާލޭގައި މިނީ ބަހުގެ ހިދުމަތް ފެށުމާ ގުޅިގެން، ބައެއް މަގުތަކުގައި ޕާކު ނުކުރެވޭ ގޮތް ހަދާފައިވާއިރު، މާލެ ސިޓީ ކައުންސިލުން އިތުރު ޕާކިން ޖާގަތަކެއް ހަދައިފިއެވެ.
މާލެ ސިޓީގެ މޭޔަރު ޑރ.މުހައްމަދު މުއިއްޒު ކުރެއްވި ޓްވީޓެއްގައި ވިދާޅުވެފައިވަނީ މިނީ ބަސް އޮޕަރޭޝަނަށްޓަކައި އޯކިޑް މަގުގެ ޕާކިން ނަގާ، އޭގެ ބަދަލުގައި ޕާކިން ޖާގަ ހަމަޖެއްސުމުގެ ގޮތުން، މ.ސްޓާލިން، ލާމި ގޭގައި ހެދި ޕާކިން ޒޯނުގައި 50 ސައިކަލް، 15 ކާރު ޕާކު ކުރެވޭ ގޮތަށް ކުރަހާ ނިމިފައިވާ ކަމަށެވެ.
Minibus operation ah Orchid Magu ge parking nagaa eyge badhalugai parking jaaga hamajessumattakaa, M.Starlin , Laami gey gai hedhi parking zone gai 50 cycle, 15 car park kurevey gothah kurahaa nimifai. @MaleCitymv pic.twitter.com/miZZWmROnh
— Dr Mohamed Muizzu (@MMuizzu) September 18, 2022
މާލެ ސިޓީ ކައުންސިލުން ވަނީ މިނީބަސް ދަތުރުތަކަށް ފަސޭހަކޮށްދިނުމަށް މަޖީދީމަގުން ޕާކިން ހުރިހާ ސްލޮޓެއް ނަގާފައިވާއިރު، އެ މަގަށް ފަހިވާނޭހެން އިތުރު 69 ޕާކިން ސްލޮޓެއްވެސް ހަދާފައެވެ.
މިނީ ބަހުގެ ހިދުމަތްދޭން ދަތިވާނެ ގޮތަށް، ބަސް ރޫޓުގައި އުޅަނދުތައް ޕާކު ކުރާނަމަ، ފިޔަވަޅު އަޅާނެ ކަަމަށް ފުލުހުން ވަނީ ބުނެފައެވެ.
