މާލެ ސިޓީގެ މޭޔަރު ޑރ.މުހައްމަދު މުއިއްޒު، ގަލޮޅު ދެކުނު ދާއިރާގެ ރައްޔިތުންނާ ބައްދަލު ކުރައްވައިފިއެވެ.
މި ދާއިރާގެ ރައްޔިތުންގެ ގޭގެއަށް މޭޔަރު ޒިޔާރާތް ކުރެއްވީ، ދާއިރާގެ ކައުންސިލު މެމްބަރު އިބްރާހީމް މުހައްމަދާ އެކުގައެވެ.
ރައްޔިތުންނާ ބައްދަލުކުރެއްވުމަކީ ހަމައެކަނި ކެމްޕޭނަށް ކުރައްވާ ކަމަކަށް ނުހައްދަވައި، މޭޔަރުގެ މަގާމަށް ހޮވިވަޑައިގަތުމަށްފަހު ވެސް އެކަން ކުރިއަށް ގެންދެވުމަކީ މާލެ ސިޓީގެ މޭޔަރު ޑރ. މުޙައްމަދު މުޢިއްޒު ލޯކަލް ކައުންސިލް އިންތިޚާބުގެ ކެމްޕޭން ތެރޭ ރައްޔިތުންނަށް ވެވަޑައިގެންނެވި އެއް ވަޢުދެވެ.
މާލޭ ސިޓީގެ މޭޔަރު @MMuizzu ގަލޮޅު ދެކުނު ދާއިރާގެ ކައުންސިލް މެމްބަރު @ibrahim_ibuty އާއި އިތުރު ކައުންސިލަރުންނާއި އެކު ދާއިރާގެ ރައްޔިތުންގެ ގާތަށް ޒިޔާރަތްކުރެއްވުން. pic.twitter.com/XgcyJHgv7x
— Malé City Council (@MaleCitymv) September 28, 2022
މާލޭ ރައްޔިތުންގެ ތަނަވަސް އަޣްލަބިއްޔަތަކުން އެމަނިކުފާނު މާލޭގެ މޭޔަރުކަމަށް ހޮއްވެވުމާއެކު އެމަނިކުފާނު ވަނީ މި ވަޢުދު ފުއްދެވުމުގެ މަސައްކަތް ފައްޓަވާފައެވެ.
ކޮވިޑް-19ގެ ސަބަބުން ދިމާވެފައި ހުރި ހުރަސްތަކާއެކު ގޭގެއަށް ޒިޔާރަތް ކުރެއްވުން ފެއްޓެވުން ފަސްވި ނަމަވެސް ޙާލަތު ބަދަލުވުމާއެކު ރައްޔިތުން ގާތަށް ޒިޔާރަތް ކުރެއްވުމަށް މޭޔަރު ފެއްޓެވީ 2021 ވަނަ އަހަރުގެ ނޮވެމްބަރު ފުރަތަމަ ދުވަހުއެވެ. އެގޮތުން ޚާއްޞަ ތާވަލެއް ހައްދަވައި އެކި ދާއިރާތަކުގެ ކައުންސިލަރުންނާއެކު ގޭގެއަށް ޒިޔާރަތް ކުރައްވައި ރައްޔިތުންގެ ޙާލަތު ބައްލަވަން ފެއްޓެވިއެވެ.
