މާލޭގެ އަމީނީ މަގު ހަދަމުން އަންނައިރު، އެ މަގުގައި ދުއްވަން އޮންނަ ބައި ހަނިކުރާތީ މާލެ ސިޓީގެ މޭޔަރު ޑރ.މުހައްމަދު މުއިއްޒު ކަންބޮޑުވުންފާޅުކުރައްވައިފިއެވެ.
ޑރ.މުއިއްޒު މިއަދު ކުރެއްވި ޓުވީޓެއްގައި ފާހަގަކުރައްވާފައިވަނީ މިހާރު އަމީނީ މަގު ހަދަމުންދަނީ މަގުގެ ދުވާރު ވަރަށް ބޮޑަށް ފުޅާކޮށް މަގުގެ އުޅަނދުފަހަރު ދުއްވާ ބައި ހަނިކޮށްގެން ކަމަށެވެ. އެގޮތުން މިހާރު 4 ފޫޓު ހުންނަ ދުވާރުގެ ފުޅާމިން 5 ފޫޓު 7 އިންޗިއަށް އިތުރުކުރަންވަނީ ނިންމާފައެވެ.
އަމީނީމަގު ހަދަމުންދަނީ ޕޭވްމަންޓް ވަރަށްފުޅާކޮށް، މަގުގެ ދުއްވަން އޮންނަބައި 25ފޫޓުން 21 ފޫޓް 10އިންޗިއަށް ހަނިކޮށްކަމުން މަގުގެ ތޮށްޖެހުން އިތުރަށް ގޯސްވާނެކަމަށް ފެނޭ. ބިމުގެ އަޑިއަށްލުމަށް ކުރިން ނިންމާފައިވާ "ކޭބަލްޓްރޭ" އަނެއްކާވެސް މިފެންނަނީ ބިމުން މަތީގައި ހަދަމުންދާތަން pic.twitter.com/2F3adEx7gL
— Dr Mohamed Muizzu (@MMuizzu) October 4, 2022
އަދި މަގުގެ ދުއްވާ ބައިގައި މިހާރު 25 ފޫޓު ހުންނައިރު އަމީނީ މަގުހެދުމުގެ މަޝްރޫއު ނިމޭއިރު އެބައިގައި ހުންނާނީ 21 ފޫޓު 10 އިންޗިއެވެ. އެހެންކަމުން ދުވަން އޮންނަ ބައި ވަރަށް ބޮޑަށް ހަނިވާނެއެވެ.
މުއިއްޒު ވަނީ، ދުއްވަން އޮންނަ ބައި ހަނިކުރުމުން މަގުގެ ތޮށްޖެހުން އިތުރަށް ގޯސްވާނެ ކަމަށް ވިދާޅުވެފައެވެ. މުއިއްޒު ވަނީ، ބިމުގެ އަޑީގައި ވަޅުލަން ނިންމާފައިވާ ކޭބަލްޓްރޭ ބިމުން މައްޗަށް ނަގަމުންދާތީވެސް ކަންބޮޑުވުންފާޅުކުރައްވާފައެވެ.
އަމީނީ މަގު ހެދުމުގެ މަޝްރޫއު ހިންގަނީ،ރޯޑް ޑިވެލޮޕްމެންޓު ކޯޕަރޭޝަން (އާރުޑީސީން)އިންނެވެ.
.
