އިދިކޮޅު މައި ޕާޓީ، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އަށް އެންމެ މަސް ދުވަސްތެރޭގައި 10،000 މެމްބަރުން ގުޅިއްޖެއެވެ.
ޕީޕީއެމުން، މިއަދު ވަނީ އަލަށް ގުޅުނު މެމްބަރުންގެ ފޯމުތައް އިލެކްޝަންސް ކޮމިޝަނާ ހަވާލުވެސް ކޮށްފައެވެ.
އީސީގެ ރައީސް ފުއާދު ތައުފީގުއާ އެ ފޯމްތައް ހަވާލު ކުރެއްވީ، އިދިކޮޅު ކޯލިޝަން ޕީއެންސީގެ ރައީސް އަބްދުއްރަހީމެވެ.
ޕީޕީއެމްއާއި އަލަށް ގުޅިވަޑައިގެންނެވި 10،000 މެމްބަރުންގެ ފޯމް މިއަދު އިލެކްޝަންސް ކޮމިޝަނަށްވަނީ ހުށައަޅާފައި. #MavesPPM. pic.twitter.com/CqpT87fw0w
— Progressive Party of Maldives (@ProgressPartyMV) October 5, 2022
އީސީގެ ތަފާސްހިސާބުތައް ދައްކާގޮތުން ޖުލައި މަހުގެ ނިޔަލަށް ޕީޕީއެމްގައި ތިބީ 33،264 މެމްބަރުންނެވެ.
އެ ޕާޓީއަކީ ދެވަނައަށް އެންމެ ގިނަ މެމްބަރުން ތިބި ޕާޓީއެވެ. އެންމެ ގިނައިން މެމްބަރުން ތިބި އެމްޑީޕީގައި 58،840 މެމްބަރުން އެބަތިއްބެވެ.
”މަވެސް ޕީޕީއެމް“ މިނަމުގައި، މެމްބަރުން އިތުރު ކުރުމުގެ ހަރަކާތްތަކެއް ޕީޕީއެމުން ދަނީ ކުރިއަށް ގެންދަމުންނެވެ.
