ވެރިކަން ކުރާ މައި ޕާޓީ، އެމްޑީޕީގެ ރިޔާސީ ޕްރައިމަރީގައި ރައީސް އިބްރާހީމް މުހައްމަދު ސޯލިހާ ވާދަކުރައްވާ ރައީސް މުހައްމަދު ނަޝީދަށް ތާއީދު ކުރައްވާތީ، އެއްވެސް މީހަކު މަގާމުން ވަކި ކުރަން ވިދާޅުވެފައި ނުވާނެ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
އެސްޓީއޯގެ އެމްޑީ ހުސެއިން އަމްރު ވަނީ ނަޝީދުގެ ކެމްޕެއިނާ ގުޅިވަޑައިގެން، އެމަނިކުފާނުގެ ކެމްޕެއިން ދަތުރުތަކުގައިވެސް ބައިވެރިވެވަޑައިގަންނަވަން ފައްޓަވައިފައެވެ.
މިކަމާ ގުޅިގެން އަމްރު މަގާމުން ވަކި ކުރަން ރޮޒައިނާ އެންގެވި ކަމަށް ނޫހަކުން ރިޕޯޓް ކުރުމުން، ރޮޒައިނާ ކުރެއްވި ޓްވީޓެއްގައި އެދިވަޑައިގަތީ ދޮގު ޚަބަރު ނުފެތުރުމަށެވެ.
”ރައީސުލްޖުމްހޫރިއްޔާގެ ސިޔާސީ މަގާމުގައި ތިއްބަވާ ބޭފުޅުން، ރައީސްއާ ދެކޮޅަށް ނުކުންނަވަންޏާ، ރީތި ގޮތަކީ އަމިއްލައަށް އިސްތިއުފާ ދެއްވުމޭ ބުނީ.“
Dhogu habaru fethurun ehaa salhieh noon.
Evves meehaku maqaamun vaki kuraakah alhugandu nubunan.
RJge siyaasee maqaamuga thibbavaa beyfulhun RJ aa dhekolhah nukunnavanya reethi gothakee amillayah isthiufa dhevvumey bunee. Isthiufa aa vakikurumuge thafaathu DHENME ah neygey? Dhera pic.twitter.com/seOCjbHy84— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) January 20, 2023
ވއޭނާ ވަނީ، އަމިއްލައަށް އިސްތިއުފާ ދެއްވުމާ، މަޤާމުން ވަކި ކުރުމުގެ ތަފާތު އެ ޚަބަރު ޖެހި ނޫހަށް ނޭންގެނީތޯވެސް އައްސަވައިފައެވެ.