ކެލޮރީ އެންމެ މަދު މޭވާތަކުގެ ތެރޭގައި ކަރާ ހިމެނެއެވެ.
އެގޮތުން 154 ގްރާމްގެ ކަރަލުގައި ހުންނަނީ ގާތްގަނޑަކަށް 46 ކެލޮރީއެވެ.
މިއިން އިންސާނާގެ ހަށިގަނޑަށް ދުވާލަކު ވިޓަމިން ސީ ބޭނުންވާ މިންވަރުގެ 21 އިންސައްތަ އަދި ދުވާލަކު އިންސާނާގެ ހަށިގަނޑަށް ވިޓަމިން އޭ ބޭނުންވާ މިންވަރުގެ 18 އިންސައްތަ ލިއްބައިދެއެވެ.
ސައިންސްވެރިން ކުރި ދިރާސާތަކަށްފަހު ހާމަކުރި ގޮތުގައި ކަރަލުގައި އެކުލެވޭ މާއްދާތަކުގެ ސަބަބުން، ހަޖަމުގެ ނިޒާމަށް ޖެހޭ ކެންސަރުން ރައްކާތެރިކޮށްދިނުމަށް އެހީތެރިވެދެއެވެ. އަދި ޓިއުމަރު އުފެދުމުން ދުރުކޮށްދޭ ކަމަށްވެސް ސައިންސްވެރިން ބުނެއެވެ.
ކަރަލަކީ ހިތުގެ ބަލިތައް ޖެހުމުންވެސް ދުރުކޮށްދޭ މޭވާއެކެވެ. ކެއުމުގައި ކަރާ ހިމެނުމުން ހާޓް އެޓޭކް، ސްޓްރޯކް ޖެހުމުގެ ފުރުސަތު ކުޑަކޮށްދެއެވެ.
އަދި ލޭގެ ޕްރެޝަރާއި ކޮލެސްޓްރޯލް މިންވަރު މަތި މީހުންނަށްވެސް، ކެއުމުގައި ކަރާ ހިމެނުމުން ލޭގެ ޕްރެޝަރާއި ކޮލެސްޓްރޯލް މިންވަރު ކުޑަކޮށްދެއެވެ.
