އަންނަ މަހު ބޭއްވުމަށް ހަމަޖެހިފައިވާ، ކ. ގުރައިދޫ ދާއިރާގެ މަޖިލިސް ގޮނޑީގެ ބައި-އިލެކްޝަނަށް އެމްއެންޕީގެ ފަރާތުން ވާދަކުރައްވާ ކެންޑިޑޭޓަކަށް ޢަލީ އާރިފު ހަމަޖެހިއްޖެއެވެ.
Ads by Asuru
އާރިފަކީ ގުރައިދޫގައި ޓީޗަރެއްގެ ގޮތުގައި މަސައްކަތް ކުރަމުން އައި މީހެކެވެ.
އޭނާއަށް ޓިކެޓް ލިބުނީ ބައި-އިލެކްޝަންގައި ވާދަކުރަން އެމްއެންޕީން ހުޅުވައިލި މުއްދަތު އިއްޔެ ހަމަވި އިރު، އޭނަ އެކަނި ކުރިމަތިލުމުންނެވެ. އެހެންވެ ޕްރައިމަރީއަކާ ނުލައި އާރިފު 47، އަށް ޓިކެޓް ލިބުނީއެވެ.
ގުރައިދޫ ދާއިރާގެ ބައި-އިލެކްޝަން އޮންނާނީ އަންނަ މަހުގެ 15 ގައެވެ. މި އިންތިޚާބު ބާއްވަނީ އެ ދާއިރާގެ މެމްބަރަކަށް ހުންނެވި އިބްރާހީމް ރިޒާ އަވަހާރަވުމާ ގުޅިގެންނެވެ.
މި ބައި-އިލެކްޝަންގައި އެމްއެންޕީގެ އިތުރުން، ޕީޕީއެމާ އެމްޑީޕީ ވެސް ވާދަ ކުރާނެއެވެ.
