މާދަމާއިން ފެށިގެން ކުރިއަށް އޮތް ހަތަރު ދުވަހު ހުޅަނގު މޫސުމުގެ ބާރު ގަދަވާނެ ކަމަށް ލަފާކުރެވޭ ކަމަށް މޫސުމާ ބެހޭ ގައުމީ އިދާރާ، މެޓުން ބުނެފިއެވެ.
މެޓުން މިއަދު ނެރުނު މޫސުމާ ބެހޭ އެޑްވައިޒަރީއެއްގައި ބުނީ ހުޅަނގު މޫސުމުގެ ބާރު ގަދަވުމުގެ ސަބަބުން ވައި ބާރުވެ، ކަނޑުތައް ގަދަވެ އަދި ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް ލަފާކުރެވޭ ކަމަށެވެ.
މެޓުން ބުނީ ހުރިހާ ފަރާތްތަކުން ވަކިން ހާއްސަކޮށް ދަތުރުވެރިން މޫސުމާބެހޭ އެންމެ ފަހުގެ މައުލޫމާތު ހޯދުމަށް އިލްތިމާސްކުރާ ކަމަށެވެ.
މޫސުމާ ބެހޭ އިތުރު މައުލޫމާތު 332308 ނަންބަރަށް ގުޅުމުން ލިބެން ހުންނާނެކަމަށް މެޓުން ބުންޏެވެ.
