ފުލުހުން ބުނި ގޮތުގައި ގ. ދޫގަސްގޭގައި ގޭސްފުޅިއެއް ގޮވައި އަލިފާން ރޯވި މައްސަލަ ރިޕޯޓްކޮށްފައި ވަނީ ފަތިހު ގާތްގަނޑަކަށް 5:27 ހާއިރުއެވެ.
އެ މީހުންނަށް ލިބުނު އަނިޔާތަކުގެ ތަފްސީލު އަދި ސާފެއް ނުވެއެވެ.
އަނިޔާ ލިބިފައިވަނީ ބަންގްލަދޭޝްގެ ދެ މީހަކަށާއި އިންޑިއާގެ ދެ މީހަކަށްކަން ފުލުހުން ކަށަވަރުކޮށްދިނެވެ.
އެމްއެންޑީއެފާ ހަވާލާދީ ފުލުހުން ބުނެފަ، އެ ގޭގައި ރޯވި އަލިފާން މިހާރު ވަނީ އެއްކޮށް ނިއްވާލާފައެވެ.
އަދި މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ތަހުގީގު ކުރަމުންނެވެ.
މައުލޫމާތު ލިބިފައިވާ ގޮތުގައި މި އަލިފާނުގެ ހާދިސާ ހިނގާފައިވަނީ ފަސް ކޮޓަރި ހުންނަ، ގާތްގަނޑަކަށް 15 މީހުން ދިރިއުޅޭ ތަނެއްގައެވެ.
މި ހާދިސާގެ ސަބަބުން އެތަނުގެ ފާރެއް ވެއްޓި ފެން މީޓަރުތަކަށާއި ހޮޅިތަކަށް ގެއްލުންވެ، ފެން ލީކުވުމުގެ ސަބަބުން މުޅި އިމާރާތަށް ބޮޑެތި ގެއްލުންތަކެއް ވަނީ ލިބިފައެވެ.
