ބޯހިޔާވަހިކަމުގެ ނަމުގައި އެމްޑީޕީ ސަރުކާރުން ސްލަމްތަކެއް އުފައްދަން މަސައްކަތް ކޮށްފައިވާކަމަށް ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ހަމްދާން ޝަކީލް ވިދާޅުވީ، އެމްޑީޕީ ސަރުކާރުން ބިންތައް ބެހުމުގައި ރޭވުންތެރިކަމެއް ގެންގުޅެފައި ނުވާކަމަށެވެ.
އަދި މި ސަރުކާރުން، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ބެލުމުގެ ދަށުން ކުރިން ބައްސަވާފައިވާ ބިންތައް އަތުނުލައްވާ، ޖާގަ އިތުރުކޮށް، ޒަމާނީ ސިޓީތަކެއް ތަރައްގީ ކުރުމަށް ރޭވިފައިވާކަމަށެވެ.
ބޯހިޔާވަހިކަމުގެ ނަމުގައި އެމްޑީޕީ ސަރިކާރުން ވަނީ ސްލަމް ތަކެއް އުފައްދަން މަސައްކަތް ކޮށްފަ. ބިންތަށް ވަނީ ރޭވުންތެރިކަމެއް ނެތި ހޮސްޕިޓަލެއް، ސްކޫލެއް، މިސްކިތެއް އަޅާނެ ޖާގަ ނުދީ ބަހާފަ. މި ސަރުކާރުން ރައީސް ޑރ މުޢިއްޒުގެ ބެއްލެވުމުގެ ދަށުން އެތަންތަން އެދަނީ ބިން ނުއަތުލާ،… https://t.co/Y4GNIvkDTL pic.twitter.com/NT7Fne3hfX
— Hamdhan Shakeel (@HamdhanShakeel) April 1, 2024
ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން ވިހިހާސް އާއިލާއަށް ބޯހިޔާވަހިކަން ދިނުމަށް ވައުދުވިއެވެ.
ނަމަވެސް ވެރިކަން ނިމެން ކައިރިވުމުން، ފްލެޓް ލިސްޓެއް ނެރެ، ނުހިއްކާ ގިނަ ބިންތަކެއް ގޯތި ދިނުމުގެ ނަމުގައި ބަހާލިއެވެ.
