ޔަތީމު ކުދިންނަށް ޒަކާތު ހައުސް އިން ދާއިމީ ގޮތެއްގައި ކޮންމެ އަހަރަކުވެސް މާލީ އެހީތެރިކަމެއް ދެވޭނެ ނިޒާމެއް ގާއިމުކުރައްވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެއެވެ.
އިއްޔެ ފޭސްބުކް އަދި އެކްސްގައި ކުރެއްވި ޕޯސްޓުތަކެއްގައި މިނިސްޓަރު ޝަހީމު ވިދާޅުވީ، ޔަތީމު ކުދިންނަށް ޒަކާތު ހައުސް އިން ދާއިމީ އެހީތެރިކަމެއް ދެވޭނެ ނިޒާމެއް ގާއިމު ކުރާނެ ކަމަށާއި، މި ނިޒާމުގެ ދަށުން އެކުދިން ބޮޑުވަންދެން ކޮންމެ އަހަރަކުވެސް އެހީތެރިކަން ލިބިގެންދާނެ ކަމަށެވެ.
ޔަތީމުންނަށް އޯގާތެރިވެ އެކުދިންގެ ކަންތައްތައް ބެލެހެއްޓުމަށް ބާރުއަޅުއްވައި ގޮވާލައްވަމުން ސަލާމާއި ސަލަވާތް ލެއްވި އިތުރު ރަސޫލާ ހަދީސްފޅު ކުރައްވާފައި ވެއެވެ.
ބުޚާރީގެ ހަދީސް ފޮތް، ޖާމިއުގައި ވާރިދުވެފައި ވެއެވެ. ޔަތީމު ކުދިން ބަލަހައްޓާ މީހާއާއި ތިމަން ކަލޭގެފާނުން، އާޚިރަތް ދުވަހުން ވާނީ މިހާ ވެސް ކައިރީގައެވެ. މިހެން ވިދާޅުވެ، އެކަން ސާފުކޮށްދެއްވުމުގެ ގޮތުން އެކަލޭގެފާނުންގެ ދެ އިނގިލިފުޅު ކައިރިކުރެއްވިއެވެ. މިއިން ދޭހަވަނީ ކޮން ކަމެއް ހެއްޔެވެ؟ ކީރިތި ރަސޫލާއަށް ލޯބިކޮށް، އެކަލޭގެފާނުންގެ އެންމެ ގާތް މީހުންގެ ތެރޭގައި ހިމެނެން ބޭނުން ނަމަ، ޔަތީމުންނަށް އަޅާލައި އެކުދިން ބަލަހައްޓާށެވެ.
އަދިވެސް ބުޚާރީގެ ޖާމިއު، މި ފޮތުގައި ވާރިދުވެފައި އޮވެއެވެ. ގެތަކުގެ ތެރެއިން އެންމެ ހެޔޮވެގެންވާ ގެއަކީ އެ ގެއެއްގައި ޔަތީމުންނަށް އެންމެ ރަނގަޅަށް ކަންތައް ކުރެވޭ ގެއެކެވެ. ގެތަކުގެ ތެރެއިން އެންމެ ނުބައިވެގެންވާ ގެއަކީ އެ ގެއެއްގައި ޔަތީމު ކުދިންނަށް ނުބައިކޮށް ހިތޭ ގެއެކެވެ.
ވަރައްރާނގަޅުކަމެތީ