ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ސަރުކާރުން، ރައްޔިތުންގެ މަޖިލީހުގެ އިންތިހާބު ކައިރިވެފައިވާ މި ދުވަސްވަރު، ދިވެހި ރައްޔިތުންނަށް ވަޒީފާގެ ބިރު ދައްކާ ކަމަށް އެމްޑީޕީން ކުރި ތުހުމަތު، ވެރިކަން ކުރާ ޕީއެންސީ/ޕީޕީއެމްގެ ކޯލިޝަނުން ދޮގު ކޮށްފިއެވެ.

Ads by Asuru

އެމްޑީޕީން މިއަދު ނެރުނު ބަޔާނެއްގައި ވަނީ، ޕީއެންސީގެ ކެންޑިޑޭޓުންނަށް ވޯޓު ނުދޭނަމަ، ވަޒީފާގެ ބިރު ދައްކަމުންދާ ކަމަށާއި، ކުންފުނިތަކާއި އޮފީސްތަކަށް މުވައްޒަފުން ނެގުން ވެސް ޕީއެންސީގެ ކެންޑިޑޭޓުންނަށް ދޫކޮށްލުމަށް ވެސް ގޮވާލަމުންދާ ކަމަށެވެ.

އަދި ޕީއެންސީގެ ކެންޑިޑޭޓުންނަށް ވޯޓު ނުދޭނެ މީހުން ވަޒީފާތަކުން ވަކިކޮށް، އެ ޕާޓީއަށް ވޯޓު ދޭނެ ކެންޑިޑޭޓުން ވަޒީފާތަކަށް ނަގާ ކަމަށް ވެސް ތުހުމަތު ކޮށްފައިވެއެވެ.

އެ ކޯލިޝަނުން މިރޭ ނެރުނު ބަޔާނެއްގައި، މިކަމާ ގުޅޭގޮތުން ބުނީ، އެމްޑީޕީން ނެރެފައިވާ ބަޔާނަކީ ހަގީގަތާއި ހިލާފު ބަޔާނެއް ކަމަށެވެ. އަދި ވަކި ފަރުދަކު ފާޅު ކުރާ ހިޔާލަކީ އެ ޕާޓީގެ ސިޔާސަތެއް ނޫން ކަމަށް ވެސް، ޕީއެންސީގެ ރަސްމީ އެކްސް އެކައުންޓުން ހިއްސާ ކުރި ބަޔާނުގައިވެއެވެ.

”ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ސިޔާސަތަކީ، ޑިމޮކްރަސީގެ ރީތި އުސޫލުގެ ތެރެއިން ހަމަހަމަކަމާއިއެކު ސިޔާސީ ހަރަކާތް ކުރިއަށް ގެންދިޔުމާއި، ހަރަކާތްތަކުގައި ބައިވެރިވެގެން ކުރިއަށް ދިޔުމުގެ ފުރުސަތު ދިނުމެވެ. އަޅުގަނޑުމެން ރައްޔިތުންގެ ތާއީދާއި ލޯބި ހޯދާނީ ރައްޔިތުން އެދޭ ތަރައްގީ ގެނެސްދީގެން، އަދި ރައްޔިތުންގެ އަޑު އަހައިގެން ކަމުގައި ވެސް ދަންނަވަމެވެ.“ ބަޔާނުގައިވެއެވެ.

ބަޔާނުގައި ވަނީ، އެމްޑީޕީގެ ކެމްޕެއިން ދަތުރުތަކުގައި ވަޒީފާގައި ތިބި ފަރާތްތައް ވެސް ބައިވެރިވަމުންދާކަން ފާހަގަކޮށްފައެވެ. އެމްޑީޕީގެ ސަރުކާރުން މީހުންގެ ސިޔާސީ ފިކުރަށް ބަލައި، ވަޒީފާތަކުން ވަކިކޮށް، ބިރު ދައްކާ، ސިޔާސީ ފަރާތްތައް ހައްޔަރުކުރަމުނ