ހުސް ގޮނޑިއާއި ފޮޓޯ ވެސް ނުލައި، ރައީސުލްޖުމްހޫރިއްޔާ ޑރ.މުހައްމަދު މުއިއްޒު އެ ހޯއްދެވީ ބޮޑު ކާމިޔާބީއެއް ކަމަށް ޔޫތު މިނިސްޓްރީގެ ނައިބު ވަޒީރު، މަރިޔަމް ޝިއުނާ ވިދާޅުވެއްޖެއެވެ.
2023 ވަނަ އަހަރުގެ ރިޔާސީ އިންތިހާބު، ރައީސް މުއިއްޒު ކާމިޔާބު ކުރެއްވީ އޭރުގެ އިދިކޮޅު ލީޑަރު، ރައީީސް ޔާމީން އަބްދުލްގައްޔޫމްގެ ފޮޓޯ ދައްކައިގެން ކަމަށް ރައީސް ޔާމީންގެ ސަޕޯޓަރުން ބުނަމުން ދިޔައެވެ. 20 ވަނަ މަޖިލީހުގެ އިންތިހާބުގެ ސުޕަރ މެޖޯރިޓީއާ ގާތަށް ސަރުކާރުން ޖެހިލިއިރު، އެކްސްގައި ޝިއުނާ ވިދާޅުވީ، ހުސް ގޮނޑި އާއި ”ފޮޓޯގަނޑު“ ވެސް ނުލައި ރައީސް މުއިއްޒު އެ ހޯއްދެވޮ ބޮޑު ކާމިޔާބީއެއް ކަމަށެވެ. އަދި ދެން ކިޔާނެ އެއްޗަކާމެދު ސުވާލު ކުރެއްވިއެވެ.
ހުސްގޮނޑިއާއި ފޮޓޯ ގަނޑު ނުލާ ރައީސް @MMuizzu އެ ހޯއްދެވީ ބޮޑު ކާމިޔާބީއެއް! ދެން ކިޔާނީ ކީކޭބާ؟ pic.twitter.com/nfrvzxVpU1
— Mariyam Shiuna (@shiuna_m) April 21, 2024
މިހާރު އިއުލާނުކުރަމުންދާ ރައްޔިތުންގެ މަޖިލީހުގެ އިންތިހާބުގެ ވަގުތީ ނަތީޖާ ދައްކާގޮތުން ސަރުކާރުން ވަނީ މުޅި ރާއްޖޭގެ 70 އަށްވުރެ ގިނަ ގޮނޑި މިހާތަނަށް ކާމިޔާބުކޮށްފައެވެ.
އިދިކޮޅު މޯލްޑިވްސް ޑިމޮކްރެޓިކް ޕާޓީ (އެމްޑީޕީ) އިން ކާމިޔާބު ކޮށްފައިވާ ގޮނޑިތައްވެސް ކާމިޔާބުވެފައި ވަނީ ވަރަށް ކުޑަ ފަރަގަކުން ކަން ފާހަގަކޮށްލެވެއެވެ.
މަޖިލީހުގެ މެޖޯރިޓީއަކީ 47 ގޮނޑިއަށްވާއިރު ސުޕަރ މެޖޯރިޓީއަކީ މަޖިލީހުގެ ހަތަރު ބައިކުޅަ ތިން ބަޔަށްވާ 70 ގޮނޑިއެވެ. މިފަހަރުގެ މަޖިލީހުގައި ހިމެނެނީ ޖުމްލަ 93 ގޮނޑިއެވެ.
މަޖިލިސް ކެމްޕެއިނުގައި ރައީސް މުއިއްޒު ނުހަނު ބުރަކޮށް މަސައްކަތް ކުރައްވާފައިވާއިރު އެމަނިކުފާނު ތަކުރާރުކޮށް ވިދާޅުވަމުން އައީ ރައްޔިތުން ބޭނުންވާ ތަރައްގީ ގެނައުމަށްޓަކައި ހަލުވި ދުވެލީގައި މަޝްރޫއުތައް ކުރިއަށްގެންދެވޭނީ ސަރުކާރަށް އެއްބާރުލުންދޭނެ ކެންޑިޑޭޓުން މަޖިލީހަށް އިންތިހާބުކޮށްގެން ކަމަށެވެ.
ވެރިކަމުގައި ހައިބަތު ދަށްކަން ތިބެވުނީ ޔާމީނުގެ ފޮޓޯއާއި ގޮނޑިދަށްކައިގެން ރާއްޖޭގެ އެތަންމިތާގައި އިންތިހާބީ ކަޑަޖަހާ ހެދުމުން ރަށްޔިތުންނުކުމެ މެޖޯރެޓީދިނީ މީހަގީގަތަކީ ވަރަށްވަރަށްސާފް
ކިތަންމެ ވަރަކަށް ފޫކެހިއަސް، މިސަރުކާރުގެނެވުނީ ރޔާމީންގެ ފޮޓޯފުޅާ ހުސްގޮނޑި ދައްކައިގެން، ހަގީގަތްބަދަލެއްނުކުރެވޭނެ، ކިތަންމެކާމިޔާބެއްލިބުނަސް، ކިތަންމެއުހަކަށްއެރުނަސް ހަމަ އަސްލަކީ ރޔާމީން، އަސްލު އޮޅުވައެއްނުލެވޭނެ.