ދެކުނުގެ މަސްވެރިކަން ރަނގަޅުވާން ފަށާފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑ، މިފްކޯ އިން ބުނެފިއެވެ.
މިފްކޯއިން އިއްޔެ ބުނީ ރާއްޖޭގެ ދެކުނުގެ މަސްވެރިކަން ރަނގަޅުވަމުން އަންނަ ކަމަށާއި އައްޑޫގެ މަސްދޯންޏަކުން މިއަދުވެސް އައްޑޫ ފިޝަރީޒް ކޮމްޕްލެކްސްއަށް 25 ޓަނުގެ މަހާއިއެކު ވަދެފައިވާ ކަމަށެވެ.
ރާއްޖޭގެ ދެކުނުގެ މަސްވެރިކަން ރަނގަޅުވަމުންދާއިރު އުތުރާއި މެދުރާއްޖެތެރެއާއި އުތުރުގެ މަސްވެރިކަންވެސް މިހާރު ވަނީ ރަނގަޅުވާާން ފަށައިފައެވެ.
މިފްކޯއިން ބުނީ، މ އަތޮޅު ހިމެނޭ ސަރަހައްދުން މިމަހުގެ ހަތަރު ވަނަ ދުވަހު 27 ޓަނުގެ މަސް ކިރާފައިވާކަމަށެވެ. އަދި ހޯމަ ދުވަހު އެކަނިވެސް 20 ޓަނުގެ މަސް ކިރާފައިވެއެވެ. މިއީ މ. އަތޮޅު ހިމެނޭ ސަރަހައްދުން ކިރާފައިވާ މަހުގެ އަދަދެވެ.
މަސްވެރިކަން މިހާރު އެންމެ ރަނގަޅީ އެ ސަރަހައްދުގައި ކަމަށް މިފްކޯ އިން ބުނެއެވެ.
