ކ.މާފުށީގެ ޖަލަށް މަސްތުވާތަކެއްޗާއި ފޯނު ވައްދާ ކަމުގެ ތުހުމަތު ކުރެވުނު ކަރެކްޝަނަލް ސާވިސްގެ އޮފިސަރުންގެ ތެރެއިން 13 މީހެއްގެ މައްޗަށް ދައުވާ ކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ފޮނުވައިފިއެވެ.
ފުލުހުން މައުލޫމާތު ދިން ގޮތުގައި އެ މައްސަލައިގައި 18 މީހަކު ބައިވެރިވެފައިވެއެވެ.
އަދި އެ މީހުންގެ އެކައުންޓުތަކަށް މިދިޔަ އަހަރެއްހާ ދުވަހުގެ ތެރޭގައި 73.6 މިލިއަން ރުފިޔާ ޖަމާވެފައިވެއެވެ.
އެއް އެފިސަރެއްގެ އެކައުންޓަށް އެކި ފަހަރުމަތިން ޖުމްލަ 24 މިލިއަން ރުފިޔާ ޖަމާކޮށްފައިވާ ކަމަށްވެސް ފުލުހުން ވަނީ ހާމަކޮށްފައެވެ.
ހައްޔަރު ކުރި 13 އޮފިސަރުންގެ ތެރެއިން 9 މީހަކު މާފުށިން ހައްޔަރުކޮށްފައިވާ އިރު، ކާށިދޫއިން ވަނީ ދެ މީހުން ހައްޔަރުކޮށްފައެވެ.
އަދި އުތީމާއި މާލެއިންވެސް އެކަކު ހައްޔަރުކޮށްފައިވާ ކަމަށް ފުލުހުން ވަނީ މައުލޫމާތުދީފައެވެ.
