މޫސުން ހޯސްވެ، ހއ އަތޮޅުން ފެށިގެން ގދ އަތޮޅާ ހަމައަށް ޔެލޯ އެލާޓް ނެރެފިއެވެ.

Ads by Asuru

މެޓް އޮފީހުން މި ސަރަހައްދަށް މި އެލާޓް ނެރުނީ، ފަތިހު 5:30 އިން ފެށިގެން ހެނދުނު 9:00 ޖެހުމާ ހަމައަށެވެ.

އެލާޓް ނެރުނީ، މޯލްޑިވްސް މީޓިއޮރޮލޮޖީން ބުނިގޮތުގައި، ބޯކޮށް ވާރޭ ވެހި، ގުގުރައި، ވިލާގަނޑުގައި ގަޑިއަކު 45 މޭލަށް ވައި ގަދަވެ، ކަނޑުތައް ވެސް ގަދަ ވާނެ  ކަމަށް ލަފާ ކުރެވޭތީއެވެ.

ރޭ 1:00 އިން ފެށިގެން، މިއަދު ހެނދުނު 7:00އަށް މެޓުން ވަނީ މުޅި ރާއްޖެއަށް ވައިޓް އެލާޓް ނެރެފައެވެ. މި އެލާޓް ނެރުނީ، ބޯކޮށް ވާރޭ ވެހި، ގުގުރައި، ގަޑިއަކު 19 މޭލާ 24 މޭލާ ދެމެދުގެ ބާރު މިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައިގަދަވެ، ކަނޑު ވެސް ގަދަވާނެ ކަމަށް ލަފާކޮށެވެ.