ދިވެހީންގެ ފަހުރުވެރި ރާއްޖެއެއް ބިނާ ކުރެވޭނީ، ކޮންމެ މަސައްކަތެއްގައި ވެސް ޒުވާނުންގެ އެއްބާރުލުމާއި ހިއްސާވުން އިތުރު ކޮށްގެން ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، މިއަދު ފާހަގަކުރާ ޒުވާނުންގެ ދުވަހާ ގުޅިގެން އެކްސްގައި ކުރެއްވި ޕޯސްޓެއްގައެވެ.
މިއަދަކީ ބައިނަލްއަގްވާމީ ޒުވާނުންގެ ދުވަހެވެ. ޒުވާނުންގެ ކުރިމަގަށްޓަކައި ގިނަ މަސައްކަތްތަކެއް ކުރުމަށް މި ސަރުކާރުން ނިންމާފައިވެއެވެ. އެގޮތުން ޒުވާނުންނާއި ގުޅޭ ކަންކަމުގައި ރައީސުލްޖުމްހޫރިއްޔާއަށް ލަފާ އެރުވުމަށްޓަކައި ޕްރެޒިޑެންޝަލް ޔޫތު އެޑްވައިޒަރީ ބޯޑެއް ވެސް ރައީސް މުއިއްޒު ވަނީ އުފައްދަވައިފައެވެ.
ޒުވާނުންނަށްޓަކައި މި ސަރުކާރުގެ މެނިފެސްޓޯގައިވާ ކަންކަމުގެ ތެރޭގައި، ޒުވާނުންގެ ހުނަރުވެރިކަމާއި އުފެއްދުންތެރިކަން އިތުރު ކުރުމަށް އާޓްސް ވިލެޖެއް ނުވަތަ ޕްރޮޑަކްޝަން ހައުސްއެއް ގާއިމު ކުރުން ހިމެނެއެވެ.
ކަ ގޫގުލް، މައިކްރޯސޮފްޓް، އެމޭޒަން، އައި.ބީ.އެމް ފަދަ ދުނިޔޭގެ ބޮޑެތި ކުންފުނިތަކުގެ ސްޓޮކޮސް ރާއްޖޭގައި ތިބެގެން ދިވެހިންނަށް ގަނެ ވިއްކޭނެ މަގުފަހިކޮށްދިނުމާއި ފޮރެކްސް ޓްރޭޑިންގް އާއި ކްރިޕްޓޯ ކަރަންސީ ޕްލެޓްފޯމްތަކަށް ފަސޭހައިން އެކްސެސް ލިބި، އެ ޕްލެޓްފޯމްތައް ވެދުވެރިކޮށް ދިވެހީންނަށް ޓްރޭޑް ކުރެވޭނެގޮތް ހަމަޖައްސައިދެއްވާނެކަމަށް ވެސް މެނިފެސްޓޯގައި އެކުލަވާލައިފައިވެއެވެ.
