ރާއްޖޭގެ ސިޔާސީ އިސްލާހީ ހަރަކާތުގައި އިސްކޮށް ހަރަކާތްތެރިވި މުހައްމަދު ޒާހިރު (އޯކޭ ޒާހިރު) ނިޔާވެއްޖެއެވެ.
އުމުރުން 76 އަހަރުފުޅުގައި ޒާހިރު ނިޔާވީ ސްރީލަންކާގެ އާސިރީ ހޮސްޕިޓަލްގައި ފަރުވާ ދެމުން ދަނިކޮށް ރޭ ފަތިހު 4:30 ހާއިރުއެވެ.
އޭނާއަކީ އެމްޑީޕީގެ އުފެއްދުމުގައި އެންމެ އިސްކޮށް އުޅުއްވި އެކަކެވެ.
އޭނާ ވަނީ އެމްޑީޕީގެ ފޮނަދޫ ދާއިރާގެ ރައީސްކަންވެސް ކުރައްވަވައިފައެވެ.
ތަފާތު ވިޔަފާރިތައް ކުރައްވަވާ ޒާހިރު ނިޔާވިއިރު، އަންބަކާއި ނުވަ ދަރިން ދުނިޔޭގައި އެބަތިއްބެވެ.
