ގައުމީ އިސްލާމީ ލައިބްރަރީ އަންނަ އަހަރުގެ ޖެނުއަރީ މަހު ގާއިމުކުރައްވާނެކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
އެގޮތުން ގދ. ތިނަދޫ އިސްލާމިކް ސެންޓަރ، ރ. އުނގޫފާރު އިސްލާމިކް ސެންޓަރ، ހއ. ދިއްދޫ އިސްލާމީ ސެންޓަރ، އައްޑޫސިޓީ ހިތަދޫގައި އިސްލާމީ ސެންޓަރ އަދި ޏ. ފުވައްމުލަކުގައި ކީރީތި ޤުރުއާނާ ބެހޭ މަރުކަޒު ނިމޭއިރު އިސްލާމީ ލައިބްރަރީ ގާއިމުކުރާނެ ކަމަށް މިނިސްޓަރު ވަނީ ވިދާޅުވެފައެވެ.
“އެތަން ގާއިމުކުރާނީ ދިރާސާ ކުރާ މީހުންނަށް ފަސޭހައިން ދިރާސާ ކުރެވޭނެ ފަދަ ގޮތަކަށް، ޒަމާނީ ވަސީލަތްތަކާއެކު.“
މިނިސްޓަރު ޝަހީމް ވިދާޅުވި ގޮތުގައި، ސަރުކާރުގެ އަމާޒަކީ އަންނަ އަހަރުގެ ޖެނުއަރީ މަހުގެ ކުރިން ލައިބްރަރީ އިފްތިތާހު ކުރުމެވެ.
މީގެ އިތުރުން ރާއްޖެއަށް ގެންނަން ބޭނުންފުޅުވަނީ މާއްދީ ތަރައްގީ ނޫންކަމަށާއި ފިކުރީ ތަރައްގީ ގެންނަވާނެކަމަށް ރައީސް ޑރ. މުއިއްޒު ވިދާޅުވި ކަމަށް މިނިސްޓަރު ފާހަގަކުރެއްވިއެވެ.
