އީރާނުން އިޒްރޭލަށް ހަމަލާތަކެއް ދޭން ފަށައިފިއެވެ.
އިޒްރޭލުގެ އަސްކަރިއްޔާއާ ހަވާލާދީ ބޭރުގެ މީޑިއާތަކުން ވަނީ މިކަން ކަށަވަރު ކޮށްދީފިއެވެ.
ރިޕޯޓުތައް ބުނާ ގޮތުގައި، އީރާނުން ވެރިރަށް އިޒްރޭލް ތެލް އަވީވް އަށް މިސައިލު ހަމަލާތަކެއް ފޮނުވައިލައިފައެވެ.
މިއީ އިޒްރޭލުގެ ސިފައިން ލުބްނާނަށް އެއްގަމު މަގުން އެރުމުން ދިން ހަމަލާތަކެއް ކަމަށް ރިޕޯޓުތައް ބުނެއެވެ.
އެމެރިކާ އިން ވަނީ، މި ހަމަލާތައް އީރާނުން ދޭން އުޅޭ ކަމުގެ އިންޒާރު އިޒްރޭލަށް ކުރިން ދީފައެވެ.
ހަމަލާގެ ކުރިން އެމެރިކާ އިން ނެރުނު ބަޔާނެއްގައި ބުނީ، އީރާނުން އިޒްރޭލަށް ބެލިސްޓިކް މިސައިލް ހަމަލާތަކެއް ދޭން އުޅޭ ކަމަށާއި، ހަމަލާއިން ދިފާއުވާން އިޒްރޭލަށް އެހީވާނެ ކަމަށެވެ.
އަދި އެމެރިކާގެ ރައީީސް ޖޯ ބައިޑަން ކުރިން ބުނެފައި ވަނީ، އިޒްރޭލަށް އީރާނުން ދީފާނެ ހަމަލާއަކުން ދިފާއުކޮށްދޭން އެމެރިކާ ތައްޔާރު ކަމަށެވެ.
އިޒްރޭލުން ގެންދަނީ ޣައްޒާ އާއި ލުބްނާނަށް ވެސް ހަމަލާދީ އެތައް ބަޔަކު ޝަހީދު ކުރަމުންނެވެ.
މި ހަމަލާތަކުގެ ސަބަބުން، އެ ސަރަހައްދުގައި ބޮޑު ހަނގުރާމައެއް ފެށިގެންދާނެ ކަމަށް ބެލެވޭ ކަމުގައި ރިޕޯޓްތައް ބުނެއެވެ.
އީރާނުގެ ރިވޮލިއުޝަނަރީ ގާޑުން ބުނީ އިޒްރޭލަށް ހަމަލާ ދިނީ ހިޒްބުﷲގެ ލީޑަރު، ނަސްރުﷲ މަރާލުމުން ބަދަލު ހިފުމަށް ކަމަށެވެ.
މި ހަމަލާތަކުގައި އިޒްރޭލުގެ އެންމެ މީހަކު ވެސް މަރެއް ނުވެއެވެ. ނަމަވެސް ދެ މީހަކަށް އަނިޔާވި ކަމަށް އިޒްރޭލުން ބުނެއެވެ.
(ތަފްސީލު އަންނަނީ….)
