ދ. ހުޅުދެލި ބަނދަރު ތަރައްގީ ކުރުމުގެ މަޝްރޫއުގެ 85 އިންސައްތަ މަސައްކަތް ނިމިފައިވާ ކަމަށް އެ މަޝްރޫއު ހިންގާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ބުނެފިއެވެ.
ހުޅުދެލީގެ ބަނދަރު ތަރައްގީ ކުރުމުގެ މަޝްރޫއު އަކީ 45.8 މިލިއަން ރުފިޔާގެ މަޝްރޫއުއެކެވެ.
އެމްޓީސީސީން ބުނީ ހުޅުދެލީ ބަނދަރަށް ބޭނުންވާ މަގު ބައްތިތައް މިހާރުވަނީ ޕްރޮޖެކްޓް ސައިޓަށް ގެނދެވިފައި ކަމަށެވެ.
ދ. ހުޅުދެލި ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 85 ޕަސެންޓް ނިމިއްޖެ. ބަނދަރަށް ބޭނުންވާ މަގު ބައްތިތައް މިހާރުވަނީ ޕްރޮޖެކްޓް ސައިޓަށް ގެންދެވިފަ. #MTCCProjects #RayyithungeKunfuni pic.twitter.com/I9l8QpbDKN
— MTCC Plc (@MTCCPlc) May 16, 2022
މި މަޝްރޫޢުގެ ދަށުން، 49،612 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 432 މީޓަރުގެ ސަރަޙައްދެއްގައި އެއްގަމުތޮށި ލުމާއި، 337 މީޓަރުގެ ސަރަޙައްދެއްގައި ބޭރުތޮށިލުން ހިމެނެއެވެ.
މީގެއިތުރުން 252 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 1645 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމާއި، މަގުބައްތި ހަރުކުރުމުގެ މަސައްކަތް މި މަޝްރޫޢުގައި ހިމެނޭ ކަމަށް އެ ކުންފުނިން ހާމަކުރެއެވެ.
