މާލޭގެ ކެފޭއެއްގައި މާރާމާރީއެއް ހިންގައި އެ ހާދިސާގައި އަނިޔާވި މީހަކަށް ހޮސްޕިޓަލުގައި ފަރުވާދެމުން އެބަދެއެވެ.
Ads by Asuru
ފުލުހުން މިރޭ ބުނީ، މާފަންނު ޝަހީދު އަލީ ގޯޅީގައި ހުރި ކެފޭއެއްގައި މާރާމާރީ ހިންގާފައިވާކަމުގެ ރިޕޯޓު މިރޭ ފުލުހުންނަށް ލިބިފައިވާ ކަމަށެވެ.
އަދި އެ މާރާމާރީގައި އަނިޔާވި މީހާއަށް އައިޖީއެމްއެޗްގައި ފަރުވާ ދެމުންދާކަމަށް ވެސް ފުލުހުން ބުންޏެވެ.
އެއީ އުމުރުން 44 އަހަރުގެ ދިވެހި ފިރިހެނެކެވެ.
ނަމަވެސް މިހާތަނަށް މި މައްސަލާގައި މީހަކު ހައްޔަރު ކޮށްފައެއް ނުވެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
